पुणे जिल्ह्यातल्या शिरूरमध्ये भीषण अपघाताची घटना घडली. कार-कंटेनरच्या भीषण अपघातामध्ये बाप-लेकीसह तिघांचा दुर्दैवी मृत्यू झाला. शिरुर तालुक्यातील न्हावरा - तळेगाव रस्त्यावरील न्हावरा गावाजळव हा अपघात झाला. हा अपघात इतका भीषण होता की यामध्ये कारचा चक्काचूर झाला. या अपघातामध्ये गंभीर जखमी झालेल्या मुलीवर रुग्णालयात उपचार सुरू आहेत. या अपघाताचा तपास पोलिस करत आहेत.
मिळालेल्या माहितीनुसार, न्हावरा येथे कंटेनर आणि कारचा भीषण अपघात झाला. या भीषण अपघातात कारचा चक्काचूर झाल्याने कारमधून प्रवास करणाऱ्या बाप-लेकीसह तीन जणांचा जागीच मृत्यू झाला. या अपघातामध्ये एक जण गंभीर जखमी झाले आहे. समोरून भरधाव येणाऱ्या कंटेनरवरील चालकाचा ताबा सुटला त्यामुळे हा अपघात झाला. भरधाव कंटेनरने कारला जोरदार धडक दिली. या अपघातामध्ये तिघांचा जागीच मृत्यू झाला. या अपघाताचा तपास शिरूर पोलिस करत आहेत.
कैलास कृष्णाजी गायकवाड, गौरी कैलास गायकवाड आणि गणेश महादेव निर्लेकर अशी अपघातामध्ये मृत्यू झालेल्यांची नावं आहेत. तर कैलास गायकवाड यांची दुसरी मुलगी दुर्गा ही अपघातामध्ये गंभीर जखमी झाली आहे. दुर्गावर रुग्णालयामध्ये उपचार सुरू आहेत. कैलास यांचा मुलींसोबतचा प्रवास अखेरचा ठरला. बाप लेकीचा मृत्यूमुळे न्हावरा परिसरात हळहळ व्यक्त करण्यात येत आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.