अमर घटारे, साम प्रतिनिधी

महायुतीमधील सहयोगी मित्र बच्चू कडू यांनी अमित शहा यांना तिखट सवाल केलाय. शरद पवार हे भ्रष्टचाराचे सरकार असतील तर मग अजित पवार कोण असा सवाल कडू यांनी केलाय. प्रहार संघटनेचे प्रमुख आणि आमदार बच्चू कडू महायुतीवर नाराज आहेत का असा सवाल उपस्थित होत आहे. त्याचं कारण म्हणजे अमित शहा यांच्या टीकेवर बच्चू कडू यांनी दिलेली प्रतिक्रिया. अमित शहा यांनी शरद पवार यांच्यावर केलेल्या टीकेवर कडू यांनी प्रश्न केलाय.

माध्यम प्रतिनिधींशी बोलतांना बच्चू कडू म्हणाले, शरद पवार सरदार आहे तर मग अजितदादा कोण आहे? अमित शहा यांच्या तोंडातून चुकीने निघालं असे. ते विसरभोळे आहेत बऱ्याचदा अमित शहा चुकीचे बोलतात मग नंतर अंगलट येत असतं अशी कोपरखळीही त्यांनी मारलीय. दरम्यान अमित शहा यांनी शरद पवार यांच्यावर टीका केल्यामुळे आता अजित पवार यांनी परत शरद पवार यांच्यासोबत जाऊ नये, असा सल्लाही बच्चू कडू यांनी दिलाय.

पुण्यात झालेल्या महाराष्ट्र भाजपच्या अधिवेशनात बोलतांना केंद्रीय मंत्री अमित शहा यांनी शरद पवार यांच्यावर जोरदार हल्ला चढवला होता. शरद पवार हे राज्यातील लोकांमध्ये संभ्रम निर्माण करत आहेत. शरद पवार हे भ्रष्टाचाराचे सरदार असल्याची टीका अमित शहा यांनी केली होती.

अमित शहांनी काय केले आरोप

विरोधक संभ्रम निर्माण करून निवडणूक जिंकण्याचा प्रयत्न करत आहेत. विरोधक भ्रष्टाचारावरुन सरकारला घेरत असतात. परंतु स्वतः शरद पवार हे भ्रष्टाचाराचे सर्वात मोठे सरदार आहेत. शरद पवारांनी भ्रष्टाचाराच्या संस्था निर्माण केल्या, असल्याचा आरोप अमित शहा यांनी केलाय.

उद्धव ठाकरेंवर टीका

औरंगजेब फॅन क्लब जवळ उद्धव ठाकरे बसलेत. ते देशाच्या सुरक्षेची खात्री देऊ शकत नाहीत. देशाला सुरक्षा देण्याचं काम हे फक्त भाजपच करू शकते. उद्धव ठाकरे औरंगजेब फॅन क्लबचे नेते झालेत. ज्यांनी कसाबला बिर्याणी दिली त्यांच्यासोबत उद्धव उद्धव ठाकरे बसलेत, अशी टीका अमित शहा यांनी केली.