(अभिजीत सोनवणे)

Nashikkar's Sharad Pawar Birthday:

राष्ट्रवादीचे सर्वेसर्वा शरद पवार यांचा आज ८३ वा वाढदिवस आहे. शरद पवार यांना त्यांच्या वाढदिवसानिमित्त नाशिककरांकडून अनोखी भेट देण्यात आलीय. देण्यात आलेली ही अनोखी भेट नेमकी कशी आहे, हे जाणून घेऊ. (Latest News)

राष्ट्रवादीचे सर्वेसर्वा शरद पवार यांना त्यांच्या ८३ व्या वाढदिवसानिमित्त नाशिककरांकडून अनोखी भेट देण्यात आलीय. नाशिकच्या करन्सी नोट प्रेस मजदूर संघाकडून शरद पवार यांना ही अनोखी भेट देण्यात आलीय. नोटांच्या सिरीयल नंबरच्या माध्यमातून शरद पवार यांचा संपूर्ण जीवन प्रवास, त्यांच्या आयुष्यातील महत्त्वाचे टप्पे अधोरेखित करण्यात आलेत. इंडिया नोट प्रेस मजदूर संघाचे सचिव जगदीश गोडसे यांच्या टीमने ही भेट दिलीय.

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

नाशिकमध्ये शरद पवार मुक्कामी थांबलेल्या हॉटेलमध्ये पवारांना शुभेच्छा देण्यासाठी कार्यकर्त्यांची रीघ लागली असून पवारांच्या हस्ते वाढदिवसाचा केक देखील कापण्यात आलाय. इंडिया करन्सी नोट प्रेसच्या कामगारांकडून शरद पवारांना ही भेट देण्यात आलीय. नोटांच्या सिरीयल नंबरच्या माध्यमातून मांडला शरद पवार यांचा जीवन प्रवास मांडण्यात आलाय.

शरद पवार यांना देण्यात आलेल्या बॅनरमध्ये शरद पवार यांचा जन्म कधी झाला, ते मुख्यमंत्री कधी झाले, कृषीमंत्री कधी झाले याची माहिती नोटांवरून देण्यात आलीय. शरद पवार यांना मंत्रीपद कोणत्या वर्षी मिळाले त्या वर्षाचा उल्लेख येथे करण्यात आलाय. नोटांच्या सिरीयल नंबरवरून ते साल येथे दर्शवण्यात आले आहेत आणि त्या नोटा या बॅनरवर चिटकवण्यात आल्या आहेत.

अशी अनोखी भेटवस्तू देण्याची संकल्पना कशी सुचली हे सांगताना जगदीश गोडसे म्हणाले, ज्यावेळी राष्ट्रवादी अध्यक्ष शरद पवार यांनी नाशिक इंडिया नोट प्रेसला भेट दिली त्यावेळी त्यांना प्रेसची संपूर्ण माहिती देत असताना शरद पवार यांनी त्यांच्या जुन्या आठवणींना उजाळा दिला. त्यावेळी मनात संकल्पना आली की, आपण साहेबांच्या आयुष्यावरती काही बायोग्राफी नो शरद पवार थ्रो इंडियन करन्सीतून बनवली पाहिजे. त्याच संकल्पनेतून पवारांची माहिती येथे संकलित केलीय. तसेच पुढील भविष्यात देखील पवार यांच्या आयुष्यातील महत्त्वाच्या घटनांची माहिती या डिनॉनेशनमधून देऊ आणि ते त्यांना दरवर्षी भेट देऊ, अशी संकल्पना असल्याचं गोडसे म्हणाले.