सातारा : रामराजे नाईक निंबाळकर आणि आमदार दीपक चव्हाण यांनी लोकसभेला कोणाचं काम केलं; हे पाहणं महत्त्वाचं आहे. तसेच त्यांनी माढा लोकसभा मतदारसंघांमध्ये झालेल्या निवडणुकीमध्ये काय केलं; हे सर्व जनतेला माहित आहे; अशा शब्दात आमदार जयकुमार गोरे यांनी रामराजे नाईक निंबाळकर आणि दीपक चव्हाण यांच्यावर निशाणा साधला आहे. 

साताऱ्याच्या (Satara News) दहिवडी येथे आमदार जयकुमार गोरे यांनी आयोजित केलेल्या कार्यक्रमात लाडकी बहीण आणि मातांचा सन्मान सोहळा पार पडला. या कार्यक्रमास २० हजाराहून अधिक महिलांनी उपस्थिती लावली. यावेळी (Jaykumar Gore) आमदार जयकुमार गोरे यांनी बोलत असताना रामराजे नाईक निंबाळकर आणि आमदार दीपक चव्हाण यांच्यावर जोरदार टीका केली. 

या वेळी बोलताना आमदार गोरे म्हणाले, कि तीन पक्षाची आपली युती आहे. या युतीने अजूनपर्यंत कोणताही उमेदवार जाहीर केला नाही. अजित पवार यांनी फलटणमधील विधानसभेचा उमेदवार कसा जाहीर केला? याबाबत मला माहिती नाही. आमदार दीपक चव्हाण हे अजित पवार गटातून उभे राहतील की नाही याबाबत मला शंका आहे. लोकसभेला माढा लोकसभा मतदारसंघात जो भाजपचा पराभव झाला त्यामध्ये ज्या ज्या लोकांचा हात आहे; ते युतीचे घटक आहेत असं आम्ही मानत नसल्याचे देखील त्यांनी सांगितले.