सांगली : सांगलीच्या (Sangli) मिरजेतील (Miraj) सुभाष नगर बारगाले प्लॉट याठिकाणी प्रेम विवाह केल्याच्या रागातून योगेश चंद्रकांत लवाटे वय 28 या तरुणावर अज्ञात हल्लेखोरांनी सैराट (Sairat) सिनेमा सारखा हल्ला करून गंभीर जखमी केले आहे. जखमी योगेश याच्यावर मिरजेतील खाजगी रुग्णालयात उपचार सुरु आहेत. योगेश याने दीड महिन्यांपूर्वी भडकंबे आष्टायेथील तरुणीशी प्रेम विवाह केला होता.

हे देखील पहा :

दोन दिवसांपूर्वी दोन्ही कडील नातेवाईकांचा वाद झाला होता. सदरचा वाद मिरज (Miraj) पोलिसांत पोहचला. मात्र, पोलीस स्टेशनमध्येच (Police Station) मुलींच्या वडिलांनी योगेश याला धमकी दिली होती. गुरुवारी रात्री साडे आठ वाजता मोटारसायकल वरून आलेल्या दोघा हल्लेखोरांनी त्याच्यावर धारधार शस्त्राने हल्ला करून पळ काढला.

यावेळी गंभीर जखमी योगेशला त्याच्या मित्रांनी खाजगी रुग्णालयात (Hospital) उपचारासाठी दाखल केले आहे. याबाबत योगेशच्या काकू वैशाली लवाटे यांनी अज्ञात हल्लेखोरांच्या विरोधात तक्रार दिली आहे. शहर पोलिसांनी दोघा संशयितांना ताब्यात घेतले आहे. मात्र, या हल्ल्याने मिरजमध्ये खळबळ माजली आहे.