सांगलीतून एक धक्कादायक बातमी समोर येत आहे. रेल्वेखाली चिरडलेल्या अवस्थेत एका तरूणाचा मृतदेह आढळून आला आहे. तो काही दिवसांपासून आजारी होता. यामुळे तो रूग्णालयात उपचार घेत होता. दोन दिवसांपूर्वी तो रूग्णालयातून पळून घरी आला होता. नंतर दुचाकीवरून घराबाहेर पडला होता. काही तासांत पोलिसांना त्याचा मृतदेह रेल्वेखाली चिरडलेल्या अवस्थेत आढळला. याप्रकरणी पोलिसांकडून तपास सुरू आहे. त्याची हत्या झाली की आत्महत्या याचा तपास सुरू आहे.

अमन दीपक आवळे (वय वर्ष २३) असे मृत तरूणाचे नाव आहे. तो माधवनगर रविवार पेठेतील अवचितनगर येथे कुटुंबासोबत राहत होता. तो आजारी असल्याने त्याच्यावरती रुग्णालयात उपचार सुरू होते. २ दिवसांपूर्वी तो रूग्णालयातून पळून घरी आला होता. रविवारी रात्री कुटुंबासोबत त्यानं जेवण केलं.

आज सकाळी साडेसहा वाजेच्या सुमारास तो दुचाकी घेऊन घराबाहेर घडला. अवघ्या काही तासांत त्याचा मृतदेह माधवनगर रेल्वे स्टेशन परिसरात आढळला. रेल्वेखाली चिरडलेल्या अवस्थेत मृतदेह आढळल्यानंतर परिसरात खळबळ उडाली.याची माहिती सांगली ग्रामिण पोलिसांना मिळताच त्यांनी घटनास्थळी धाव घेतली. त्यांच्यासोबत स्पेशल रेस्क्यू फोर्सचे पथक घटनास्थळी दाखल झाले.

अमन याच्या डोक्यावरून रेल्वेचे चाक गेल्याने त्याची ओळख पटली नव्हती.पोलीसांनी त्याचे खिसे तपासले असता. एक आधार कार्डचे झेरॉक्स सापडले. यावरून त्याची ओळख पटली. याची माहिती मिळताच नातेवाईकांनी रेल्वे रुळाकडे धाव घेतली. पोलिसांनी पंचनामा करून मृतदेह शवविच्छेदनासाठी पाठवले.

ही दुर्दैवी घटना माधवनगरात पसरली असता मयत अमन आवळे यांच्या नातेवाईकांनी सांगली शासकीय रुग्णालयाच्या आवारात एकच गर्दी करून आक्रोश केला. या घटनेची नोंद सांगली ग्रामीण पोलीस ठाण्यात झाली असून, पुढील तपास पोलिसांकडून सुरू आहे.