सांगली : सांगलीच्या पलूस येथे हरणाची शिंगे तस्करी करणाऱ्यास पलूस पोलिसांनी (Police) कारवाई करून अटक केली आहे. रोहित बाबुराव कांबळे (वय ३३) असे आरोपीचे (Sangli) नाव आहे. त्याला मुद्देमालासहित पलूस पोलिसांनी ताब्यात घेतले आहे. (Maharashtra News)

सांगलीच्या पलूस येथे आरोपी रोहित बाबुराव कांबळे (रा. शिरशिंगे कोयना वसाहत पलूस) याने शनिवारी बंद अवस्थेत असलेल्या शाळेच्या गेटसमोर होता. त्याच्याजवळ हरीण संवर्गातील वन्य प्राण्याच्या दात नसलेल्या तोंडाच्या १४ इंच लांब आणि सहा इंच रुंद फुटलेल्या अवस्थेतील हाडासहित काळपट पांढरे रंगाचे ३१ इंच लांबीचे टोकदार व निमुळते असलेली शिंगे होती. ज्याची बाजरातील मूल्य ५० हजार रुपये आहे. 

आरोपी रोहित यांच्याजवळ दोन शिंगे विक्री तस्करी करण्याच्या उद्देशाने स्वतःच्या कब्जात बाळगलेले स्थितीत आढळून आला. यानंतर पोलिसांनी त्याला ताब्यात घेऊन त्याच्याकडील शिंगे जप्त केलेली आहेत. याबाबत अधिक तपास पोलीस करीत आहेत.