सांगली : सांगलीच्या खानापूर तालुक्यातील ग्रामपंचायतीच्या (Gram Panchayat) गायरान जमिनीत अतिक्रमण करून बांधलेली घरे काढण्यास गेलेल्या सरपंच सतीश निकम यांना दगडाने मारून जखमी केल्याची घटना नागेवाडी (Sangli News) येथे घडली आहे. विटा पोलिसांत परस्परविरोधी फिर्यादी दाखल झाल्या आहेत. दोन्हींकडील चौदा जणांवर गुन्हा दाखल केल्याचे पोलिसांनी सांगितले. (Breaking Marathi News)

नागेवाडी ग्रामपंचायतीचे सरपंच सतीश निकम व अन्य सरकारी कर्मचारी हे गायरान जमीनमध्ये संगीता मंडले, अनुसया मंडले यांनी केलेले अतिक्रमण काढण्यास गेले होते. या दरम्‍यान संगीता मंडले, अनुसया मंडले, किसाबाई मंडले आदी जणांनी जमाव जमवून अतिक्रमण काढत असताना शासकीय कामात अडथळा आणून लोकांच्या अंगावर मिरची पूड टाकून (Sarpanch) सरपंच सतीश निकम यास संतोष माने यांनी दगडाने मारून जखमी केले.

सरपंचावरही केला आरोप

दरम्यान, संगीता मंडले यांनी फिर्यादीत सरकारी कर्मचारी व सरपंच सतिश निकम अतिक्रमण काढण्यास आले असता संगीता मंडले व अनुसया मंडले यांनी सध्या कागदपत्रे ग्रामसेवकाला दाखवीत असताना सरपंच निकम यांनी संगीता मंडले यांना शिवीगाळ केली. लज्जा उत्पन्न होईल असे कृत्य करत काठीने मारले. अनुसया मंडले यांनाही ढकलून दिले. तसेच शिवीगाळ करून यांची घरे काढा, असे ओरडून धमकी दिली. तर सरपंच सतीश निकम, प्रशांत माने व आप्पासो निकम यांच्याकडून जीवितास धोका आहे असे म्हटले आहे. सहायक पोलिस निरीक्षक दत्तात्रय कोळेकर तपास करत आहेत.