Sangli Crime News: सांगलीच्या तासगाव शहरातील इंदिरानगर परिसरातून एक भयानक घटना उघडकीस आली आहे. घरातील एक वस्तू घेऊन गेल्याचा राग मनात धरून वहिनी आणि पुतण्याने मिळून दीराची चाकूने भोसकून करत हत्या केली. या घटनेनं परिसरात मोठी खळबळ उडाली आहे. (Latest Marathi News)

सूरज उर्फ लल्या दिनकर शिंदे (वय २० वर्ष) असं हत्या झालेल्या तरुणाचं नाव आहे. याप्रकरणी पोलिसांनी (Police) संशयित आरोपी जानकी शिंदे आणि तिचा मुलगा गोपाळ शिंदे यांना ताब्यात घेतलं असून त्यांच्यावर खूनाचा गुन्हा दाखल करण्यात आला आहे.

मिळालेल्या माहितीनुसार, तासगाव शहरातील इंदिरानगर परिसरात (Sangli News) राहणाऱ्या जानकी शिंदे यांच्या घरातून एक वस्तू चोरीला गेली होती. ही वस्तू दीर सूरज यानेच चोरली असावी, असा संशय जानकीला होता. यावरून शुक्रवारी (१ जून) जानकी आणि मृत सूरज यांच्यात वाद झाला.

हा वाद इतका विकोपाला (Crime News) गेला, की जानकी आणि तिचा मुलगा गोपाळने सूरज याच्यावर चाकूने वार केले. या घटनेत सूरजच्या गळ्याजवळ, खांद्याच्या मागे, डाव्या हाताच्या दंडावर तसेच उजव्या खांद्याजवळ गंभीर दुखापत झाली. अतिरक्तस्त्राव झाल्याने त्याचा मृत्यू झाला.

दरम्यान, घटनेची माहिती मिळताच तासगाव पोलिसांनी तातडीने घटनास्थळी धाव घेतली. मृत सूरजचा मृतदेह ताब्यात घेऊन जानकी दिपक शिंदे आणि तिचा मुलगा गोपाळ दिपक शिंदे या दोघांना अटक केली आहे. तर जतीन आणि अजय जाधव हे फरार आहेत. पोलिस त्यांचा शोध घेत आहेत.

Edited by - Satish Daud