Samruddhi Mahamarg Latest Update:

विकासाचा मार्ग म्हणून ओळखल्या जाणाऱ्या मुंबई-नागपूर समृद्धी महामार्गाच्या दोन टप्प्याचं काम यापूर्वीच पूर्ण झालं आहे. त्यामुळे आता तिसऱ्या टप्प्यातील काम कधी पूर्ण होणार, याची उत्सुकता सर्वांनाच लागली आहे. दरम्यान, समृद्धी महामार्गाचे काम पूर्ण होण्याची डेडलाईन ठरली असून याबाबत MSRDC ने मोठी अपडेट दिली आहे. (Latest Marathi News)

टाईम्स ऑफ इंडियाच्या वृत्तानुसार, समृद्धी महामार्गाचा (Samruddhi Highway) अखेरचा १०१ किमीचा टप्पा पुढील वर्षी म्हणजेच २०२४ मध्ये पूर्ण होणार आहे. यापैकी नाशिकमधील भरवीर ते इगतपुरी (Igatpuri) दरम्यानच्या २३ किमी लांबीचा मार्ग फेब्रुवारीतच खुला होण्याची शक्यता आहे. ('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

याशिवाय इगतपुरी ते आमणे हा ७८ किमीचा टप्पा जुलै २०२४ मध्ये पूर्ण होणार असल्याची माहिती आहे. या भागात सध्या १५ पुलांचं कामं सुरू आहे. यामध्ये शहापूर येथील ८४ मीटर उंचीचा आणि १.८ किमी लांबीचा पुलाचा देखील समावेश आहे.

दरम्यान, काम पूर्ण झाल्यानंतर हा मार्ग वाहतुकीसाठी खुला होईल, अशी माहिती एमएसआरडीसीच्या अधिकाऱ्यांनी दिली आहे. समृद्धी महामार्ग हा राज्याच्या उपराजधानीला राजधानी मुंबईसोबत जोडतो. हा एकूण महामार्ग ७०१ किमीचा आहे.

२०२२ साली पंतप्रधान नरेंद्र मोदी (Narendra Modi) यांच्या हस्ते ५२० किमीचा नागपूर ते शिर्डी हा टप्पा प्रवासासाठी खुला करण्यात आला होता. त्यानंतर शिर्डी ते भरवीर या दरम्यानचा दुसरा टप्पा मुख्यमंत्री एकनाथ शिंदे आणि उपमुख्यमंत्री देवेंद्र फडणवीस यांच्या सुरु करण्यात आला. आता तिसऱ्या टप्प्याचं काम पूर्ण झाल्यानंतर मुंबई-नागपूर प्रवास आणखीच सुसाट होण्याची शक्यता आहे.