![Kasara Ghat Fire News](http://media.assettype.com/saamtv%2F2023-12%2F1980003d-7b21-48e0-8d35-5296ec363402%2FKasara_Ghat_Fire_News.jpg?w=480&auto=format%2Ccompress&fit=max)
नाशिकमधून एक मोठी बातमी समोर आली आहे. मुंबई महामार्गावर जुन्या कसारा घाटात चालत्या कारने अचानक पेट घेतलाय. घाट चढून आल्यावर टोप बारव जवळ कारने पेट घेतला आहे. या घटनेनं परिसरात एकच खळबळ उडालीये. ('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)
मिळालेल्या अधिक माहितीनुसार, कारने पेट घेतला त्यावेळी कार चालक कारमध्येच होता. आग लागल्याचे समजताच चालकाने वाहन रस्त्याच्या कडेला उभे केले. तसेच प्रसंगावधान राखत सर्वांना बाहेर काढले. सुदैवाने या घटनेत कोणतीही जीवितहानी झालेली नाही. मात्र या घटनेमुळे वाहतुकीवर परिणाम झाला आहे.
जुना कसारा घाट गेल्या एक तासापासून वाहतुकीसाठी बंद आहे. त्यामुळे घाटात वाहनांच्या लांबच लांब रांगा लागल्यात. १ तासापासून वाहनांच्या रांगा लागल्याने नागरिकांचा मोठा खोळंबा झाला होता. त्यामुळे ही ट्रॅफिक आता नवीन कसारा घाटातून वळवण्यात आलीये.
सदर घटनेची माहिती मिळताच महामार्ग पोलिस, रूट पेट्रोलिंग टीम, इगतपुरी नगर परिषदेचे अग्निशमन दल, टोल नाक्याचे अग्निशमन दल घटनास्थळी दाखल झाले होते. सध्या आग आटोक्यात आणण्यात यश मिळाले आहे.
मध्य प्रदेशात बसला लागली भीषण आग
काल मध्य प्रदेशातील गुना जिल्ह्यात रात्री डंपर ट्रकला धडकल्यानंतर बसला भीषण आग लागल्याची घटना घडली होती. इंडिया टुडेने दिलेल्या वृत्तानुसार, या आगीत 13 जणांचा होरपळून झाला. या अपघातात 17 प्रवासी जखमी झाले. जखमींना जिल्हा रुग्णालयात दाखल करण्यात आले असून त्यांची प्रकृती धोक्याबाहेर आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.