छत्रपती संभाजीनगर : राज्यात मागील काही दिवसांपासून उष्णतेची लाट आल्याची पाहण्यास मिळत आहे. राज्यातील जवळपास सर्वच शहरातील (Temperature) तापमान हे ४० अंशाच्या वर पोहचले आहे. दरम्यान मराठवाड्यात देखील पारा ४२ अंशाच्या वर पोहचला असून उन्हाची वाढलेली दाहकता आता असह्य होवू लागली आहे. (Latest Marathi News)

मराठवाड्याची (Marathwada) राजधानी असलेल्या छत्रपती संभाजीनगरमध्ये १८ एप्रिलचे तापमान ४२.२ अंश सेल्सिअस होते. आज पुन्हा सकाळपासून उन्हाचा चटका (High Temperature) वाढला आहे. यंदाच्या उन्हाळ्यातील सर्वाधिक तापमानाची नोंद (Sambhajinagar) छत्रपती संभाजीनगरमध्ये झाली आहे. दुपारच्या सुमारास सूर्य अक्षरशः आग ओकत असून यावेळी जिल्ह्यातील रस्ते निर्मनुष्य झाल्याचे चित्र बघायला मिळत आहे. मराठवाड्यातील बीड जिल्ह्यात ४१.६, जालना ४१, नांदेड ४१, लातूर ४१, धाराशिवमध्ये ४१ अंश सेल्सिअस तापमानाची नोंद झाली आहे. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

आणखी तापमान वाढीचा इशारा 

राज्यात उच्चाकी तापमानाची नोंद होत आहे. मागील तीन दिवसांपासून मराठवाड्यात तापमान वाढत आहे. संभाजीनगर शहरात देखील यंदाचे सर्वाधिक तापमानाची नोंद झाल्याचे पाहण्यास मिळत आहे. दरम्यान २४ एप्रिलपर्यंत तापमान वाढीचा इशारा हवामान खात्याने दिला असून नागरिकांनी आवश्यक कामानिमित्तानेच बाहेर पाडण्याचे आवाहन करण्यात आले आहे.