लोकसभा निवडणुकीत राज्यात सपाटून मार खाल्ल्यानंतर आता भाजपनं विधानसभा निवडणुकीवर लक्ष केंद्रीत केलंय.. लोकसभेवेळी प्रचारापासून काहीसा लांब राहिलेला राष्ट्रीय स्वयंसेवक संघ आता विधानसभेसाठी सक्रिय झालाय. लोकसभा निवडणुकीत भाजप आणि संघात समन्वय पाहायला मिळाला नव्हता.याचा फटका भाजपला राज्यात बसला होता. तसा फटका विधानसभा निवडणुकीत बसू नये यासाठी संघ आणि भाजपमध्ये महाराष्ट्रात समन्वयाची जबाबदारी अतुल लिमये यांच्याकडे सोपवण्यात आलीये .

येत्या महिन्यातभरात संघ आणि भाजप नेत्यांच्या बैठका होणार आहेत. दरम्यान कोण आहेत अतुल लिमये आणि त्यांच्यावर संघानं का जबाबदारी सोपवलीये पाहया.

कोण आहेत अतुल लिमये ?

वयाच्या 50 व्या वर्षी अतुल लिमये सह सरकार्यवाह

पहिल्यांदाच इतक्या कमी वयाच्या व्यक्तीची नेमणूक

संघातील तिसऱ्या महत्त्वाच्या पदी लिमये

पश्चिम प्रांताचे 'क्षेत्र प्रचारक' म्हणूनही कार्य

राज्यात संघाच्या विस्तारात योगदान

गुजरात, नागपूरसह गोव्यातही संघासाठी काम

भाजपची मातृसंस्था असलेल्या संघानं आता विधानसभेची सूत्र हाती घेतलीयेत. भाजपला संघाची गरज उरली नाही अशी वल्गना लोकसभेआधी जे.पी.नड्डांनी केली होती. त्यानंतर राज्यातील महायुतीत अजित पवारांच्या समावेशानं संघानं भाजपला चांगलचं फटकारलं. अखेर मातृसंस्था असलेल्या संघानं भाजपची चूक पदरात घेत विधानसभेसाठी कंबर कसलीये. आता भाजपला याचा फायदा होणार का आणि जिथे भाजपचा उमेदवार नाही तिथे महायुतीसाठी संघ कार्यकर्ता राबणार का ? हेच पाहायचं.