मान्सूनपूर्व पाऊस राज्यात धुमाकूळ घातलाना दिसत आहे. या पावसाने अनेक जिल्ह्यांना झोडपून काढले आहे. त्यामुळे शेतीचे मोठे नुकसान झाले आहे. आजही राज्यात विजांच्या कडकडाटासह आणि वादळी वाऱ्यांसह मुसळधार पाऊस पडण्याची शक्यता आहे. अरबी समुद्रात कमी दाबााचा पट्टा निर्माण झाल्यामुळे कोकण आणि घाटमाथ्यावर जोरदार पाऊस पडत आहे. त्यामुळे नागरिकांनी काळजी घेण्याचे आणि सतर्क राहण्याचे आवाहन हवामान खात्याने केले आहे.

हवामान खात्याने दिलेल्या माहितीनुसार, अरबी समुद्रात कमी दाबाचा पट्टा तयार झाल्यामुळे मान्सूनच्या आगमनासाठी पोषक हवामान तयार झालं आहे. सध्या राज्यात मान्सूनपूर्व पाऊस चांगलाच जोर धरताना दिसत आहे. आज कोकण आणि घाटमाथ्यावर मुसळधार पावसाची शक्यता आहे.

रत्नागिरी, सिंधुदुर्ग, सातारा आणि कोल्हापूर जिल्ह्यांच्या घाटमाथ्यावर आज जोरदार पाऊस पडण्याची शक्यता आहे. या जिल्ह्यांना हवामान खात्याने ऑरेंज अलर्ट दिला आहे. रायगड आणि पुण्यात देखील जोरदार पावसाची शक्यता आहे. तर उर्वरित राज्यामध्ये विजांच्या कडकडाटासह पाऊस पडण्याची शक्यता असल्यामुळे हवामान खात्याने येलो अलर्ट दिला आहे.

आज रत्नागिरी, सिंधुदुर्ग, सातारा आणि कोल्हापूर जिल्ह्यांच्या घाटमाथ्यावर मुसळधार पावसाची शक्यता असल्याने या जिल्ह्यांना ऑरेंज अलर्ट देण्यात आला आहे. तर रायगड, पुणे जिल्ह्यांत जोरदार पावसाची शक्यता असल्याने या जिल्ह्यांना येलो अलर्ट देण्यात आला आहे.

त्याचसोबत उर्वरित राज्यातील जिल्ह्यांमध्ये वादळी वाऱ्यासह पावसाची शक्यता असल्याने येलो अलर्ट देण्यात आला आहे. हवामान खात्याकडून शेतकरी आणि नागरिकांना सतर्क राहण्याचे आवाहन करण्यात आले आहे. त्यांचसोबत मच्छीमारांनी देखील खोल समुद्रात मासेमारीसाठी जाऊ नये असे आवाहन करण्यात आले आहे.