राजेश भोस्तेकर

रायगड : मुंबई गेटवे येथून सकाळी मांडवाकडे प्रवाशांना घेऊन निघालेल्या अजंठा बोटीतून एक प्रवासी समुद्रात पडला. प्रशांत कांबळे असे या प्रवाशांचे नाव असून त्याला पोहता येत असल्याने वाचला आहे. स्वतःच्या चुकीमुळे बोटीतून पडला असल्याने याबाबत कोणतीही तक्रार पोलीस (Police) ठाण्यात दाखल झालेली नाही. (raigad news passenger from the boat fell into the sea)

प्रशांत कांबळे हा प्रवासी सकाळी नऊ वाजताच्या (Raigad News) अजंठा बोटीने गेटवे येथून मांडवाकडे निघाला होता. यावेळी बोटीच्या एका बाजूला प्रशांत उभा होता. त्यावेळी बोटीच्या कर्मचाऱ्यांनी त्याठिकाणी उभे राहू नका असे सांगितले होते. मात्र प्रशांत याने तिकडे दुर्लक्ष केले आणि काही वेळाने तो समुद्रात (Sea) पडला. प्रश्नात हा सामानासकट पडला होता. त्याला पोहता येत असल्याने बोटीपर्यत पोहत आला. बोटीतून त्याला दोरी टाकून खेचण्यात आले त्यामुळे तो बचावला.

चुक केली कबुल

प्रशांत याने मी स्वतःच्या चुकीने पडलो असल्याचे मांडवा पोलिसांना सांगितले. त्यामुळे कोणताही गुन्हा दाखल झालेला नाही. मात्र अजंठा बोटीमधून प्रवास करताना अनेकवेळा प्रवासी हे जीव मुठीत घेऊन प्रवास करतात हे मात्र नक्की. त्यामुळे प्रवाशाच्या सुरक्षेच्या दृष्टीने अजंठा प्रशासनाने लक्ष देणे गरजेचे आहे. याबाबत महाराष्ट्र मेरिटाईम विभागाने अजंठा बोटीची तपासणी करण्याची मागणी होत आहे.