• मुंबई -गोवा महामार्गावर भीषण घटना

• वाहतूक पोलिसासह ३ जणांना कारने उडवलं

• माणगावमध्ये भरधाव कारचा थरार

• रायगडमधील व्हायरल व्हिडीओ चर्चेत

सचिन कदम, रायगड

मुंबई- गोवा महामार्गावर बेरदरकार कारने एका वाहतूक पोलिसासह तीघांना उडवले. मुंबई- गोवा महामार्गावरील माणगाव येथील ही घटना आहे. या घटनेचा व्हिडीओ समोर आला असून तो व्हायरल होत आहे. या प्रकरणी माणगाव पोलिसांनी कार चालकाविरोधात गुन्हा दाखल करत त्याचा शोध शुरू केला आहे. या घटनेमुळे मुंबई-गोवा महामार्गावर काहीकाळ वाहतूक कोंडी झाली होती.

मिळालेल्या माहितीनुसार, भरधाव आणि बेरदरकार कार चालकाने रायगडच्या माणगावमध्ये एका वाहतूक पोलिसासह तीघांना धडक दिल्याची घटना घडली. पळून जाण्याच्या प्रयत्नात असलेल्या या कार चालकाला पोलिस आणि नागरिकांनी माणगाव म्हसळा रस्त्यावर साई गावाच्या हद्दीत पकडले. मुंबई- गोवा महामार्गावर ढालघर येथे या कार चालकाने दोन माणसांना कट मारला. बेरदरकार आणि भरधाव कारचा ग्रामस्थांनी पाठलाग केला.

माणगाव मोर्बा रोड येथे पोलिस आणि ग्रामस्थांनी कार थांबवण्याचा प्रयत्न केला मात्र कार चालक वाहतूक पोलिस आणि दोन ग्रामस्थांना उडवत पळून गेला. या घटनेचा व्हिडीओ स्थानिकांनी आपल्या मोबाईलमध्ये कैद केला. याचा व्हिडीओ सध्या व्हायरल होत आहे. या प्रकरणी पोलिसांनी कारचालकाविरोधात गुन्हा दाखल करत त्याचा शोध सुरू केला आहे. या घटनेमुळे माणगावमध्ये काहीकाळ तणावाचे वातावरण होते.