राहुल गांधींनी व्होट चोरीच्या मुद्द्यावर निवडणूक आयोगाविरोधात एल्गार पुकारलाय... तर लोकशाही वाचवण्यासाठी प्रकाश आंबेडकरांनी राहुल गांधींना पत्र लिहून निवडणूक आयोगाच्या घोटाळ्याविरोधात संयुक्त लढाईचं आमंत्रण दिलंय...

आंबेडकरांच्या पत्रात नेमकं काय?

विधानसभेला 76 लाख वाढीव मतप्रकरणी याचिका

काँग्रेसने हस्तक्षेप अर्जाच्या माध्यमातून साथ द्यावी

बिहारमध्ये महाराष्ट्राची पुनरावृत्ती टाळण्यासाठी एकत्र यावं

सुप्रीम कोर्टात घोटाळ्याविरोधात एकत्र लढू

खरंतर राहुल गांधींनी पुराव्यासह निवडणूक आयोगाची पोलखोल केल्यानंतर प्रकाश आंबेडकरांनी गांधींच्या भूमिकेचं स्वागत केलं होतं.. त्यावेळीही राहुल गांधींनी कोर्टातील लढाईत साथ देण्याचं आवाहन केलं होतं.. मात्र आता 10 ऑगस्टच्या पत्राची आठवण करुन देत प्रकाश आंबेडकरांनी काँग्रेसला संयुक्त लढाईचं पुन्हा एकदा आमंत्रण दिलंय..

पंडित नेहरुंसोबत मतभेद असतानाही देशहितासाठी नेहरु आणि आंबेडकर एकत्र आले होते.. आता त्याप्रमाणेच त्यांचे वारसदार एकत्र येणार का? आणि न्यायालयीन लढाई एकत्र लढणार का? याचीच उत्सुकता आहे...