Political News : राष्ट्रवादीचे अध्यक्ष शरद पवार आणि वंचित बहुजन आघाडीचे प्रमुख प्रकाश आंबेडकर यांची भेट झाल्याची माहिती सूत्रांकडून समोर आली आहे. वाय बी चव्हाण सेंटर येथे ही भेट झाली. (Latest Marathi News)

राज्याच्या राजकारणात लवकरच मोठे राजकीय भूकंप होणार असं वक्तव्य नुकतंच प्रकाश आंबेडकर यांनी केलं होतं. त्यानंतर आता शरद पवारांसोबत त्यांची भेट झाल्याने या भेटीमुळे राजकीय वर्तुळात चर्चांना उधाण आलं आहे. तसेच या भेटीमागे काही शक्यता व्यक्त केल्या जात आहेत.

वंचित कितव्या स्थानावर?

महाविकास आघाडीमध्ये वंचितची एन्ट्री झाल्यास त्यांचे स्थान कितवे असणार? वंचित महाविकास आघाडीमधील चौथा पक्ष असणार का? किंवा मग वंचित महाविकास आघाडीमध्ये आल्यावर देखील ठाकरे-वंचित असे स्थान असणार अशा काही शक्यता वर्तवल्या जात आहेत.

प्रकाश आंबेडकर (Prakash Ambedkar) यांनी याआधी अनेकवेळा शरद पवारांवर टीका केली आहे. त्यामुळे या भेटीमागे काय घडलं, कोणत्या मुद्द्यावर चर्चा झाली असे अनेक प्रश्न समोर येत आहेत. त्यामध्ये वंचितला महाविकास आघाडीमध्ये एन्ट्री मिळण्याची शक्यता देखील वर्तवली जात आहे.