नवी मुंबईत महायुतील पक्ष एकमेकांविरुद्धात दंड थोपटणारे पक्ष पनवेल महानगरपालिकेत युती करणार आहेत. पनवेल महापालिकेसाठी भाजप, राष्ट्रवादी आणि शिवसेना याची युती झाली आहे. या युतीचे जागावाटपही जाहीर करण्यात आले आहे. आमदार प्रशांत ठाकूर, महेश बालदी यांनी हे जागावाटप जाहीर केलं. दुसरीकडे महाविकास आघाडीनेही आपले जागावाटप जाहीर केले आहे.

पनवेल महापालिकेसाठी भारतीय जनता पार्टी, शिवसेना शिंदे गट, राष्ट्रवादी अजित पवार गट आणि आरपीआय आठवले अशी युती झाली आहे. तर महाविकास आघाडीमध्ये शेकाप, ठाकरे गट, शरद पवार गट यांच्यासह इतर घटक पक्षांची आघाडी झाली आहे. पनवेल महापालिकेसाठी भाजप सर्वाधिक जागा लढवणार आहे. भाजप आपले ७१ उमेदवारांना निवडणुकीच्या रिंगणात उतरवणार आहे. तर शिंदेंची शिवसेना चार जागांवर लढणार आहे.

असे आहे जागा वाटप

भारतीय जनता पार्टी - ७१

शिवसेना शिंदे गट - ४

राष्ट्रवादी अजित पवार गट - २

आरपीआय आठवले गट - १

महाविकास आघाडीचे जागावाटप

शेतकरी कामगार पक्ष - ३३

शिवसेना ठाकरे - १९

राष्ट्रवादी शरद पवार गट - ७

मनसे - २

काँग्रेस - १२

समाजवादी पार्टी -०१

वंचित बहुजन आघाडी - १

इतर - ३

पनवेल महापालिकेसाठी जरी युतीची घोषणा करण्यात आली आहे. तर नवी मुंबई महापालिकेमध्ये शिंदेंची शिवसेना आणि भाजप हे स्वतंत्र लढणार आहे. दोन्ही पक्ष सर्व 111जागांवर उमेदवार उभे करीत आहेत. मंगवळवारी सकाळी दोन्ही पक्ष त्यांच्या उमेदवारांना एबी फॅार्म देणार आहेत.