Pandharpur Maratha Reservation :

सांगोल्याचे शिवसेना आमदार शहाजी बापू पाटील यांनाही मराठा आंदोलकांच्या रोषाला सामोरे जावे लागले आहे. पंढरपूर येथील मराठा आंदोलकांनी शहाजी पाटील यांची कार अडवत घोषणाबाजी केली. (Latest News)

पंढरपूर येथील येथील ठाकरे चौकातून आमदार शहाजी पाटील यांची कार जात होती. त्यावेळी काही मराठा आरक्षण आंदोलकांनी त्यांची कार अडवली. यावेळी आंदोलक आणि शहाजी पाटील यांच्या कार चालकामध्ये वादावादी झाली. त्यानंतर आंदोलक अधिकच आक्रमक झाले. त्यानंतर आमदार पाटील यांनी खाली उतरून आंदोलकांची माफी मागितली त्यानंतर आमदारांची गाडी पुढे सांगोल्याकडे रवाना झाली. ('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

आरक्षणासाठी मराठा समाज आक्रमक झालाय. आज मुख्यमंत्री एकनाथ शिंदे यांनी आरक्षणाच्या मुद्द्यावरून सर्वपक्षीय बैठक घेतली. यात सर्व पक्षाने आरक्षण देण्यास सहमती दर्शवली. आरक्षण देण्यास सरकार सकारात्मक आहे. कायद्याच्या कचाट्यात अडकणार नाही, असं आरक्षण देण्याचा सरकार प्रयत्न करत असल्याचं सांगितलं जात आहे. त्यासाठी वेळ द्यावा असं विनंती सरकारकडून करण्यात येत आहे. मात्र मराठा समाज आक्रमक झालाय.

नाशिक जिल्ह्यातील मालेगाव येथील आंदोलकी आक्रमक झाले आहेत. मराठा आंदोलकांनी आक्रमक होत थेट मुंबई - आग्रा महामार्ग रोखलाय. टायर जाळत मुंबई - आग्रा महामार्ग रोखलाय. तर मराठा आरक्षणाला पाठिंबा देण्यासाठी राज्यातील विविध ठिकाणी आंदोलन केले जात आहेत. परभणी जिल्ह्यात वेगवेगळी आंदोलने होत आहेत. पाथरी शहरात तहसीलसमोर थाळीनाद आंदोलन करण्यात येत आहे.