बॉलिवूडच्या प्रसिद्ध अभिनेत्रीवर दु:खाचा डोंगर; जवळच्या व्यक्तीचे निधन, सोशल मीडियावर केली भावुक पोस्ट

बॉलिवूडची प्रसिद्ध अभिनेत्री नोरा फतेहीला मोठा धक्का बसला आहे. नोराचा जवळचा मित्र आणि सेलिब्रिटी हेयर आर्टिस्ट मार्से पेड्रोजो याचं निधन झालं. मार्से हा केवळ मित्र नव्हता, आयुष्यातील अनेक सुख दुःखामध्ये साथ दिल्याचे नोराने सांगितले. नोरा फतेही हिने सोशल मीडियावर भावुक पोस्ट करत दु:ख व्यक्त केलं आहे.

नोरो फतेही हिने सांगितलं की, मार्से पेड्रोजो याचा स्वभाव खूप चांगला होता. त्याच्या आठवणी स्मरणीय असतील'. खास मित्राच्या निधनाने नोरा दु:खात बुडाली आहे. मार्से याच्या निधनाने फक्त नोरा फतेहीचे नुकसान झालं नाही. तर मनोरंजन सृष्टीला धक्का बसला आहे.नोरा हिने इन्स्टाग्राम पोस्टमधून मार्से याच्या जुन्या आवठणींना उजाळा दिला आहे. मार्सेच्या जाण्याने तिच्या वैयक्तिक आयुष्यात मोठं नुकसान झाल्याची भावना नोराने व्यक्त केल्या आहे.

नोरो फतेही हिने म्हटलं आहे की, 'मी आज माझ्या चांगल्या मित्राला गमावलं आहे. मी चांगला विश्वासू मित्र गमावला आहे. त्याने माझ्या आयुष्यातील खडतर परिस्थितीत साथ दिली. त्याच्या जाण्याने मा‍झ्या वैयक्तिक आयुष्यात नुकसान झालं आहे. मी त्याच्या मृत्यूचं वास्तव स्वीकारण्याचं प्रयत्न करत आहे'. नोराने पोस्ट करताना रडण्याचे इमोजी देखील शेअर केले आहेत.

मार्से हा फक्त नोराचा नव्हे, जान्हवी कपूर, जॅकलीन फर्नांडीज, खुशी कपूर, तृप्ती डिमरी, मलायका अरोडा, शरवरी वाघ आणि सुहाना खानच्या केसाचीही त्याने हेयर स्टायलिंग केली आहे. त्याचे इन्स्टाग्राम ५३ हजारांहून अधिक फॉलोवर्स आहेत. मनोरंजन सृष्टीत त्याच्या कामाचं नेहमी कौतुक व्हायचं.