पंढरपुरातील विठ्ठल रूक्मिणी मंदिर परिसरात अनेक मठ, वाडे आणि रहिवाशी इमारती धोकादायक असल्याची गंभीर बाब नगरपालिकेच्या एका पाहणीत समोर आली आहे. शहरातील अशा धोकादायक इमारतींमुळे ऐन आषाढी यात्रेच्या तोंडावर वारकऱ्यांच्या जीवाला घोर लागला आहे.

राज्यात अनाधिकृत आणि धोकादायक हाेर्डिंगचा मुद्दा गाजत असतानाच दक्षिण काशी असलेल्या पंढरीत धोकादायक इमारतींचा प्रश्न ऐरणीवर आला. आषाढी यात्रेनिमित्ताने नगरपालिकेच्या बांधकाम विभागाने पंढरपूर शहरातील जून्या इमारती,मठ आणी धर्मशाळेची पहाणी केली. यामध्ये शहरातील तब्बल 113 इमारतीत या धोकादायक असल्याची धक्कादायक बाब समोर आली आहे.

पालिकेकडून धोकादायक सर्व इमारतींवर सूचना फलक लावण्यात आले आहेत. शिवाय पालिकेने संबंधीत इमारत मालकांना इमारत खाली घेण्या बाबत नोटीसा दिल्या आहेत. आषाढी यात्रे पूर्वी धोकादायक इमारती संबंधीत मालकांनी त्या स्वतःहून खाली घ्याव्यात अन्यथा नगरपालिकेकडून धोकादायक इमारती पाडल्या जातील असा इशारा नगरपालिका प्रशासनाने दिला आहे.