पराग ढोबळे, साम टीव्ही नागपूर

नागपूरजवळील धामणा येथील स्फोटके बनवणाऱ्या चामुंडी कंपनीत झालेल्या दुर्घटनास्थळी विरोधी पक्षनेते विजय वडेट्टीवार यांनी भेट दिली आहे. यावेळी काँग्रेस नेते सुनील केदार आणि रामटेकचे खासदार श्यामकुमार बर्वे उपस्थित होते. घटनास्थळाची पाहणी करून स्फोटाचे नेमके कारणे काय, यासंदर्भात चर्चा केल्याची माहिती मिळतेय. याघटनेवरून विरोधी पक्षनेते विजय वडेट्टीवार यांनी सरकारवर निशाणा साधला आहे.

नागपूर धामणा येथील घटनेमध्ये मृतकांच्या कुटुंबीयांना तात्काळ २५ लाख रुपयांचा चेक मालकाकडून मिळावा. त्याशिवाय मृतदेह उचलले जाणार नाही, असं वडेट्टीवार यांनी सांगितलं (Nagpur Chamunda Company Blast) आहे. या कंपन्यांमध्ये दर महिन्याला विझिट करून सुरक्षेची व्यवस्था केली जाते की नाही, याची पाहणी करणे गरजेचे होतं. मात्र, याकडे संबंधित विभागाने साफ दुर्लक्ष केलेलं आहे.

कुठलाही प्रशिक्षण न देता मजुरांकडून काम केलं जात होतं, तेही अवघ्या मोजक्या दरात असा आरोप विजय वडेट्टीवार यांनी केला आहे. या सगळ्या प्रकरणाची गंभिरपणे चौकशी केली पाहिजे. संबंधितांवर सदोष मनुष्यवधाचा गुन्हा दाखल झाला पाहिजे. यात मंत्र्यांचे नातेवाईक नागपुरात हप्ता वसुली करतात, असा गंभीर आरोप विरोधी पक्षनेते वडेट्टीवार (Vijay Wadettiwar) यांनी केला आहे. या घटनेमुळे नागपूरातील वातावरण चांगलंच तापल्याचं पाहायला मिळत आहे.

मृतकाच्या कुटुंबीयांना किमान ४५ लाख रुपयांची मदत मिळावी. जर जर कंपनी मालक २५ लाख रुपये देत असेल तर राज्य सरकारने मदतीची रक्कम वाढवून २० लाख रुपये करावी, अशी मागणी माजी गृहमंत्री अनिल देशमुख आणि विरोधी पक्ष नेते विजय वडेट्टीवार (Nagpur Blast News) यांनी केली आहे. सगळे वर्कर्स ऑन स्किल होते. त्यांना कुठल्याही प्रकारचं प्रशिक्षण दिले जात नव्हतं, अशा पद्धतीचा प्रश्न या माध्यमातून समोर आल्याचं पाहायला मिळत आहे.

नागपुरातील चामुंडा एक्सप्लोसिव्ह ब्लास्ट प्रकरणी हिंगणा पोलिसांनी आता कंपनीचे मालक शिव शंकर खेमका यांना ताब्यात घेतलं (Nagpur News) आहे. संचालक आणि व्यवस्थापकाविरोधात गुन्हा दाखल करण्यात आलेला आहे. मनुष्यवध, मृत्यूस कारणीभूत ठरल्याप्रकरणी गुन्हा दाखल करण्यात आल्याची माहिती मिळतेय.