अमरावतीत राष्ट्रवादी काँग्रेस अजित पवार गटाच्या आमादाराचा अपघात
आमदार संजय खोडके यांच्या दुचाकीला कारची धडक
भीषण अपघातामध्ये आमदार गंभीर जखमी
आमदारावर रिम्स हॉस्पिटलमध्ये उपचार सुरू
अमरावतीमधून भीषण अपघाताची बातमी समोर आली आहे. राष्ट्रवादी काँग्रेस अजित पवार गटाच्या आमदारांच्या वाहनाला भीषण अपघात झाला. राष्ट्रवादी काँग्रेसचे विधान परिषदेचे आमदार संजय खोडके यांच्या दुचाकीला कारने धडक दिली. या अपघातामध्ये आमदार गंभीर जखमी झाले आहेत. जखमी झालेल्या आमदार संजय खोडके यांना उपचरासाठी रुग्णालयात दाखल करण्यात आले आहे. अपघाताची ही घटना सीसीटीव्ही कॅमेऱ्यात कैद झाली आहे.
मिळालेल्या माहितीनुसार, अमरावतीमध्ये विधानपरिषदेचे आमदार संजय खोडके हे अपघातामध्ये गंभीर जखमी झाले. महानगरपालिका निवडणुकीच्या दृष्टीने आज अमरावती शहरात कार्यकर्त्यांची बैठक आयोजित करण्यात आली होती. या बैठकीला आमदार खोडके दुचाकीवरून जात होते. याचवेळी त्यांच्या दुचाकीला कारने जोरदार धडक दिली. हा अपघात इतका भीषण होता की आमदार खोडके दूरवर फेकले गेले आणि ते रस्त्यावर पडले.
हा भयंकर अपघात रस्त्याच्या कडेला लावलेल्या सीसीटीव्ही कॅमेऱ्यात कैद झाला. हा अपघाताचा व्हिडीओ सध्या व्हायरल होत असून या व्हिडीओतून अपघाताची भीषणता दिसून येत आहे. अपेघातामध्ये आमदार खोडके यांच्या पायाला आणि मणक्याला गंभीर दुखापत झाली आहे. त्यांना तात्काळ उपचारासाठी अमरावतीच्या रिम्स हॉस्पिटलमध्ये दाखल करण्यात आले.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.