Dhananjay Munde Car Accident : राष्ट्रवादीचे माजी मंत्री आमदार धनंजय मुंडे (Dhananjay Munde Latest Marathi News) यांच्या गाडीला काल मध्यरात्री परळी शहरात अपघात झाला. यात धनंजय मुंडे यांच्या छातीला किरकोळ मार लागला आहे. दरम्यान पुढील उपचारासाठी त्यांनी मुंबईत नेणार असल्याची माहिती त्यांच्या निकटवर्तीयांनी दिली. (Breaking Marathi News)

धनंजय मुंडे यांची प्रकृती स्थिर असून डॉक्टरांनी त्यांना विश्रांतीचा सल्ला दिला आहे. दरम्यान आपली तब्येत व्यवस्थीत असून काळजीचे कसलेही कारण नसल्याचे आमदार धनंजय मुंडे यांनी म्हटले आहे.

धनंजय मुंडे (dhananjay munde) मंगळवारी सर्व कार्यक्रम आटोपून मध्यरात्री परळी शहरात येत होते. मध्यरात्री दीड वाजता त्यांच्या चालकाचा वाहनावरचा (vehicle) ताबा सुटल्याने त्यांच्या वाहनाला अपघात झाला. या अपघातात किरकोळ मार लागला असून आपल्या तब्येतीबाबत काळजीचे कारण नसल्याचे स्वतः धनंजय मुंडे यांनी म्हटले आहे.

धनंजय मुंडेंना ब्रीज कँडीत हलवणार

दरम्यान धनंजय मुंडे यांच्या बरगड्यांना मार बसला आहे. त्यांना मुंबईतील ब्रीज कँडी रुग्णालयात उपचारार्थ दाखल करण्यात येणार आहे. त्यासाठी त्यांना मुंबईत विमानाने आणले जाणार आहे. धनंजय मुंडे यांनी संध्याकाळी पाच वाजण्याच्या सुमारास ब्रीज कँडीत दाखल होतील अशी माहिती देण्यात आली आहे.

Edited By : Siddharth Latkar