Maratha Kranti Morcha : हे थांबलेच पाहिजे ! मराठा क्रांती मोर्चा आक्रमक, राज्य सरकाराकडे मागणी

Maratha Kranti Morcha : महाराष्ट्रात सातत्याने छत्रपती शिवाजी महाराज (chhatrapati shivaji maharaj), छत्रपती संभाजी महाराज (chhatrapati sambhaji maharaj) यांच्यासह अनेक महापुरुषांविषयी वादग्रस्त वक्तव्य केली जात आहेत, अशी वक्तव्ये करणा-यांवर सरकारने राष्ट्रद्रोहाचा गुन्हा दाखल करावा अशी मागणी मराठा क्रांती मोर्चाचे राज्य समन्वयक विनोद पाटील यांनी केली आहे.

विनोद पाटील हे रात्री पंढरपुरात आले होते. यावेळी त्यांनी महापुरुषांविषयी वादग्रस्त वक्तव्य करणाऱ्या व्यक्तींवर राज्य सरकारने तातडीने कारवाई करावी अशी मागणी केली. या संदर्भात राज्य सरकारने विधिमंडळात तसा कायदा करावा यासाठी मराठा क्रांती मोर्चाने (maratha kranti morcha) राज्य सरकारला लेखी निवेदन दिले आहे. (Maharashtra News)

सत्ताधारी आणि विरोधक स्वतःच्या राजकीय स्वार्थासाठी महापुरुषांना बदनाम करत असल्याचा आरोप विनोद पाटील यांनी केला आहे. पंढरपुरातील (pandharpur) पहिल्या मराठा भवन इमारतीच्या भूमिपूजन कार्यक्रमासाठी विनोद पाटील आले होते. यावेळी त्यांनी ही मागणी सरकारकडे केली आहे.

Edited By : Siddharth Latkar