नाव - रवींद्र कोल्हे

वय - 30 वर्ष

राहणार - नाशिक

शेअर बाजारात या तरूणाचं 16 लाख रुपयांचं नुकसान झालं… उधारीवर आणलेले काही लाख आणि घरच्यांच्या मेहनतीचा सर्वंच पैसा बुडाला… आज ना उद्या बाजार सावरेल या आशेवर रवींद्र होता. पगार आला की बाजारात गुंतवणूक करणं आणि मोठी स्वप्न पाहणं त्याचं नित्याचं होतं… मात्र शुक्रवारी बाजार 1400 अंकांनी घसरला आणि रवींद्रनं कच खाल्ली. त्यातूनचं त्यानं आत्महत्येचं पाऊल उचललं…

भारतीय शेअर बाजारात गेल्या 5 महिन्यांपासून घसरणीचा ट्रेंड आहे. गेल्या काही दिवसांत मोठ्यांसह छोट्या गुंतवणुकदारांनी आपल्या मेहनतीचे पैसे गमावलेत. बाजारातील या घसरणीच्या ट्रेंडवर अनेक जण गुंतवणूकदारांना पैसे गुंतवताना काळजी घेण्याचा सल्ला देतायत. सेन्सेक्स आणि निफ्टीत अनुक्रमे 13.23% आणि 14.19% इतकी घसरण झालीय. अनेक मोठ्या कंपन्यांचे शेअर्स 40 टक्क्यांपर्यंत घसरलेत. याचा सर्वाधिक फटका लहान गुंतवणूकदारांना बसलाय.

शेअर बाजारात झालेल्या नुकसानीमुळे नैराश्य आलेल्या 30 वर्षीय रवींद्रनं अंगावर पेट्रोल ओतून स्वत:ला पेटवून घेतलं. 90 टक्के भाजल्यानं त्याचा रुग्णालयात उपचारादरम्यान मृत्यू झाला. शेअर बाजारानं घेतलेला हा पहिला बळी… मात्र इतकं टोकाचं पाऊल टाकू नका... घरच्यांची तुमच्यावर काही दशकांची गुंतवणूक आहे. त्यांना पोरकं करू नका हेच आवाहन आम्ही तुम्हाला करतोय.