Share Market : शेअर बाजार पुन्हा चमकला; सेन्सेक्स-निफ्टीमध्ये तेजी, कोणते शेअर ठरले टॉप गेनर?

शेअर बाजार बऱ्याच दिवसांनी ग्रीन झोनमध्ये दिसत आहे. शेअर बाजारातील सेन्सेक्सची वाढ गुंतवणूकदारांना काही प्रमाणात दिलासा देणारी आहे. गेल्या काही सत्रांपासून शेअर बाजार रेड झोनमध्ये होता. महाशिवरात्रीआधीच शेअर बाजारात मंगळवारी तेजी पाहायला मिळत आहे. आज सकाळी बॉम्बे स्टॉक एक्सचेंजमध्ये सेन्सेक्स २०० तर नॅशनल स्टॉक एक्सचेंजच्या निफ्टीने ३० अंकांनी उसळी घेतली.

शेअर बाजार ट्रॅकवर?

शेअर बाजार पुन्हा एकदा ट्रॅकवर आल्याचं पाहायला मिळत आहे. मात्र, आर्थिक तज्ज्ञ यावर भाष्य करताना दिसत नाही. ग्लोबल ब्रोकरेज फर्म सिटीने (Citi) नुकसानाच्या भरपाईची टाइमलाईन सांगितली आहे. ब्रोकरेज फर्मच्या म्हणण्यानुसार, या वर्षीच्या डिसेंबरपर्यंत निफ्टी २६००० पर्यंत आकडा गाठला जाण्याची शक्यता आहे. सध्या निफ्टी २२,५८८.५० वर आहे.

मागील ५ महिन्यात सेन्सेक्स १०००० अंकांनी घसरला. निफ्टी किमान ४००० अंकांनी घसरला. निफ्टी डिसेंबरपर्यंत नव्या विक्रमावर पोहोचू शकतो. ब्रोकरेज सिटीच्या म्हणण्यानुसार, इनकम टॅक्समध्ये सूट आणि रिझर्व्ह बँकेकडून रेपो रेटमध्ये कपात केल्याने काही प्रमाणात शेअर बाजारात सकारात्मक वातावरण होण्याची शक्यता व्यक्त करण्यात आली आहे.

सीटी (CITI) नुसार, भारतीय शेअर बाजारात तेजीची चाहूल आहे. निफ्टी डिसेंबरपर्यंत २६००० पातळीवर पोहोचण्याची शक्यता आहे. तर बीएसई सेन्सेक्स सप्टेंबर २०२४ पर्यंत ८६००० पर्यंत पोहोचला होता. निफ्टी २६,३०० पर्यंत पोहोचला होता. त्यानंतरही शेअर बाजारावर दबाव पाहायला मिळत आहे.

निफ्टीचे टॉप गेनर्स

आज मंगळवारी निफ्टी ऑटो इंडेक्समध्ये ०.८० टक्क्यांनी वाढ झाली आहे. निफ्टी मेटल आणि बँक इंडेक्स रेड झोनमध्ये आहेत. निफ्टी स्मॉलकॅप २५० इंडेक्समध्ये ०.०५ टक्क्यांनी तेजी पाहायला मिळत आहे. निफ्टी टॉप गेनरमध्ये आज M&M, भारती एअरटेल, बजाज फिनसर्व्ह, बजाज फायनान्स, अदानी पोर्ट्स आणि Adanient सामील आहेत.