Nashik News:

नाशिक गणपती विसर्जन मिरवणुकीतील डीजे सिस्टीमसोबत असलेल्या लेझर शोमुळे जिल्ह्यात 6 जणांच्या दृष्टीवर भयानक परिणाम झाला आहे. नेत्ररोग तज्ञ संघटनेने सोशल मीडियाच्या माध्यमातून जनजागृती देखिल सुरू केली असून, सरकारने या विषयात गांभीर्याने लक्ष घालण्याची विनंतीही केली आहे. (Latest Marathi News)

गणपती मिरवणूक ही पारंपारीक पद्धतीने काढली जावी असं राज ठाकरेंनीं म्हटलं होतं. डीजे पेक्षा ढोल, ताशा या वाद्यांच्या आवाजात आनंद साजरा करावा. डीजेच्या आवाजाने नागरिकांना त्रास होतो. अनेकांना विविध आजार उद्भवतात, असं राज ठाकरे म्हणाले होते.

राज ठाकरेंच्या ट्विटनंतर हा विषय चर्चेत आला असतानाच नाशिकमध्ये तशी प्रकरणे समोर येऊ लागलीयेत. या डीझेवरील लेजर लाइट्सचा माणसांच्या डोळ्यावर जास्त घातक परिणाम होत आहे, असं पुढे आलेल्या रुग्णांच्या तपासणीत समोर आलं आहे.

नाशिकमध्ये डोळ्यांची तक्रार घेऊन येणाऱ्या व्यक्तींची संख्या अचानक वाढली. एकसारखी तक्रार घेऊन व्यक्ती आले होते. त्यांना अचानक दिसायला कमी झाले आणि डोळेही दुखू लागले. वैद्याकीय तपासात डीजेच्या लाईट्समुळे असं झाल्याचं समजलं. यातील काही रुग्णांच्या डोळ्यांवर इतका परिणाम झाला आहे की, त्यांना पून्हा आधीसारखी दृष्टी मिळणे कठीण आहे. नाशिकसह अन्य शहरांमध्येही असे रुग्ण आढळत असल्याचं डॉक्टर म्हणाले.