नाशिकमधील अशोक खरात प्रकरणात प्रकरण सध्या राज्यभर गाजत आहे. या प्रकरणात नवनवे खुलासे होत आहेत,दररोज नवीन एक गु्न्हा दाखल केला जात आहे. आता या भोंदूबाबा खरातविरोधात आणखी दोन गुन्हे दाखल झाले असून आतापर्यत अशोक खरातविरुद्धा १० गु्न्हे दाखल करण्यात आली आहेत. नव्या दाखल झालेल्या नव्या गुन्हात खरातनं एका ३८ वर्षीय महिलेचे लैंगिक शोषण केल्याचे समोर आले आहे.

भोंदू बाबा अशोक खरातने तंत्र मंत्राच्या नावाने अनेक महिलांना आपल्या वासनेची शिकार बनवले आहे. महिलांना आपल्या जाळ्यात अडकवण्यासाठी हॉट रिडींग आणि कोल्ड रिडींगसारख्या मानसशास्त्रीय ट्रिक वापरायचा. महिला पहिल्यांदा भेटीला गेली की तो सुरुवातीच्या पाच मिनिटातच समोरच्याला आयुष्याचा आरसा दाखवायचा आणि त्याचा विश्वास जिंकायचा. त्यानंतर त्या महिलेशी लगटपणा करत त्यांच्यावर लैंगिक अत्याचार करायचा. अशीच एक नवं प्रकरण आता नव्याने दाखल झालेल्य गुन्ह्यात उघड झाले आहे.

खरातचा आणखी एक कारनामा

अशोक खरातने ३८ वर्षीय महिलेचे लैंगिक शोषण केल्याचं उघड झाले आहे. पीडित महिलेचे कौटुंबिक वाद होते. आपला संसार सुरळीत चालावा म्हणून तिचा पती तिला खरातकडे घेऊन गेला. त्यावेळी खरातने नवरा बायकोमध्ये भांडण होऊ नये म्हणून काही उपाय सांगितले. यात अशोक खरातने पतीला बाहेर थांबण्यास सांगितलं आणि त्याच्या पत्नीला ऑफिसमध्ये बोलवलं. मन आणि शरीरशुद्धी करण्याच्या बहाण्याने लैंगिक अत्याचार केले. तब्बल चारवेळा त्याने त्या महिलेवर अत्याचार केलेत.

दरम्यान खरात हा त्याच्याकडे येणाऱ्या भक्तांना गंडा घालण्यासाठी हॉट रिडींग आणि कोल्ड रिडींग पध्दत वापरायचा. हॉट रिडींग ही मानसशास्त्रीय संकल्पना आहे. हीच संकल्पना वापरुन खरातने दोन टीम तयार केल्या होत्या. त्यातील एक टीम समोरच्या व्यक्तीची भक्ताच्या नातेवाईकाकडून, सोशल मीडियावरुन खासगी माहिती गोळा करायची.

याच माहितीच्या आधारे पहिल्या 5 मिनिटात भूतकाळातील गोष्टी सांगून त्यांचे भविष्य सांगून महिलांचा विश्वास जिंकायचा. तर कोल्ड रिडींग करताना पहिले काही प्रश्न विचारुन समोरच्याच्या व्यक्तीमत्वाचा अंदाज घेत असायचा. समोरच्या व्यक्तीचं फेस रीडिंग, हावभाव, शारीरिक हालचाल, पेहराव, वय आणि संवादावरुन अंदाज घेत प्रश्न विचारत असायचा.