नाशिकमधून एक धक्कादायक घटना समोर आली आहे. घरी व्यायाम करत असताना दहावीत शिकणाऱ्या एका १५ वर्षीय विद्यार्थ्याचा अचानक हृदयविकाराच्या झटक्याने मृत्यू झाला. घटनेच्या दिवशी तो नेहमीप्रमाणे व्यायाम करत होता. घरी व्यायाम करत असताना त्याला अचानक अस्वस्थ वाटू लागलं. तो खाली पडला. कुटुंबियांनी त्याला तातडीने रूग्णालयात नेले. मात्र, डॉक्टरांनी त्याला मृत घोषित केलं. या घटनेमुळे परिसरात खळबळ उडाली आहे.

आजकाल ह्रदयाच्या संबंधित आजार लोकांमध्ये वाढत चालले आहेत. कमी वयातच लोकांचे हार्ट अटॅकने मृत्यू होत आहे. क्रिकेट,कब्बड्डी खेळताना मैदानात,व्यायाम करताना जिममध्ये तरूणांचा मृत्यू होत आहे. अशातच नाशिकच्या चांदवडमधील एका मुलाचाही ह्रदयविकाराच्या झटक्यानं मृ्त्यू झालाय.

प्रवीण धायगुडे (वय वर्ष १५) असे मृत मुलाचे नाव असून, तो इयत्ता दहावीत शिकत होता. नेहमीप्रमाणे तो घरी व्यायाम करत होता. व्यायाम करत असताना तो अचानक खाली कोसळला. जोरात आवाज आल्यानंतर आईने धाव घेतली. प्रविण कोसळलेला पाहून त्याला तातडीने रूग्णालयात नेले.

डॉक्टरांनी त्याची तपासणी केली असता त्याला मृत घोषित केले. प्रविणचा मृत्यू झाल्यानंतर धायगुडे कुटुंबावर दुखा:चा डोंगर कोसळला. या धक्कादायक घटनेनंतर स्थानिकांनी हळहळ व्यक्त केली आहे. या प्रकरणी पोलिसांनी आकस्मिक मृत्यूची नोंद केली असून, पुढील तपास पोलिसांकडून सुरू आहे.