Ladki Bahin Yojana: लाडकी बहीण योजनेतून अनेकांची नावे वगळली, तुमचा अर्ज बाद तर झाला नाही ना? चेक करा स्टेप बाय स्टेप

महिला सक्षमीकरणासाठी आणि आर्थिक मदत देण्यासाठी सरकारने विविध राज्यांमध्ये लाडकी बहीण योजना सुरू केली. २०२४ साली महाराष्ट्रात मुख्यमंत्री लाडकी बहीण योजना सुरू करण्यात आली. या योजनेला आता वर्षपूर्ती झाली आहे. आतापर्यंत या योजनेचे पैसे लाभार्थी महिलांच्या बँक खात्यात जमा झाले आहेत. मात्र, जून महिन्याचा हप्ता अद्याप खात्यात जमा झाला नाही. सध्या सरकारकडून अपात्र लाभार्थ्यांची छाननी सुरू आहे. त्यानुसार यादीतून नावे वगळण्यात येत आहे. त्यामुळे जर तुमच्याही खात्यात पैसे जमा झाले नसतील, तर ही बातमी खास तुमच्यासाठी आहे.

महाराष्ट्र सरकारने मुख्यमंत्री लाडकी बहीण योजनेच्या लाभार्थी यादीतून अनेक महिलांची नावे वगळली आहेत. जर जून महिन्याचा हप्ता अद्याप खात्यात जमा झाला नसेल आणि लाभार्थी यादीतून आपलं नाव वगळण्यात आलं असावं असा संशय असेल तर, या पद्धतीने नाव यादीत आहे की नाही तपासून पाहा.

यादीत नाव कसे तपासायचे?

सर्वप्रथम आधी मुख्यमंत्री लाडकी बहीण योजनेच्या अधिकृत वेबसाइटवर जा.

आता अंतिम यादी सेक्शनमध्ये जा.

नंतर मोबाईव नंबर आणि कॅप्चा कोड टाका.

यानंतर तुमच्या नोंदणीकृत मोबाईल नंबरवर एक कोड येईव, तो कोड टाका.

शेवटी योजनेशी संबंधित यादी तुमच्या स्क्रीनवर दिसेल.

यात आपलं नाव आहे की नाही, हे तपासू शकता.

लाभार्थी महिलांची नावे का वगळण्यात येत आहे?

मीडिया रिपोर्ट्सनुसार, सुरूवातीला मुख्यमंत्री लाडकी बहीण योजनेला उत्स्फूर्त प्रतिसाद मिळाला. याला काही विशेष निकष नव्हते. मात्र, युतीचं सरकार स्थापन झाल्यानंतर निकषांमध्ये काही बदल करण्यात आले. सरकारी नोकरी करणाऱ्या महिलांना या योजनेचा लाभ घेता येणार नाही. तसेच अशा काही महिला आहेत, ज्या पात्रता निकषांमध्ये बसत नाहीत, सरकारने अशा महिलांची नावे लाभार्थी यादीतून वगळली आहेत.