सागर निकवाडे, नंदुरबार

Nandurbar Bus Fire News :

गेल्या काही वर्षांपासून वाहनांना अचानक आग लागण्याच्या घटना घडू लागल्या आहेत. गेल्या वर्षभरात या घटनांमध्ये प्रचंड वाढ झाल्याचे दिसून येत आहे. असाच प्रकार नंदुरबारमध्येही घडला. नंदुरबारच्या तळोदा रस्त्यावर नाशिक-अक्कलकुवा बसला अचानक आग लागल्याची घटना घडली. या बसमध्ये ३० प्रवाशी होते. या घटनेने प्रवाशांमध्ये एकच खळबळ उडाली. (Latest Marathi News)

मिळालेल्या माहितीनुसार, नंदुबारमध्ये एसटी बसला अचानक आग लागल्याची घटना घडली. नंदूरबारच्या तळोदा रस्त्यावरील नाशिक-अक्कलकुवा बसला अचानक बसला आग लागली. नंदुरबार शहराजवळ असलेल्या जोगेश्वारी माता मंदिराजवळ आग लागली.  ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

आग लागल्याचे प्रवाशांना लक्षात आले. त्यानंतर त्यांनी तातडीने बसमधून बाहेर उतरले. सर्व प्रवाशी बसमधून उतरल्याने मोठा अनर्थ टळला. या एसटी बसमध्ये ३० प्रवासी होते.

उत्तर प्रदेशमध्ये बसला अचानक आग

उत्तर प्रदेशच्या गाझीपूरमध्येही काल बसला आग लागल्याची घटना घडली. बसवर हायव्होल्टेज विजेची तार पडल्याने बसला भीषण आग लागल्याची घटना घडली. या आगीत काहीजण होरपळले.

गाझीपूरमध्ये या बसमध्ये ५० प्रवासी होते. ही बस एका लग्न समारंभातून परतत होती. बसला आग लागल्यानंतर जिल्ह्याधिकारी आणि पोलीस घटनास्थळी दाखल झाले.