- संजय सूर्यवंशी

Nanded News : एसटी महामंडळाने महिलांसाठी बसच्या तिकीट दरात 50 टक्के सवलत दिली आहे. त्यापाठाेपाठ आता नांदेडच्या खासगी बस चालकांनी (Nanded Private Bus Operators) देखील महिलांना प्रवास शुल्काच्या दरात 50 टक्के सवलत (Bus Concession For Women) देण्याचा निर्णय घेतला आहे. या निर्णयाचा फायदा महिलांना हाेईल. त्या खासगी बसने प्रवास करतील अशी अपेक्षा व्यक्त केली जात आहे. (Maharashtra News)

राज्य शासनाने महिलांचा सन्मान करत एसटी बसमध्ये प्रवास करणाऱ्या महिलांसाठी तिकीट दरात अर्थसंकल्पात 50 टक्के सवलतीची घोषणा केली. या निर्णयाची अंमलबजावणी देखील करण्यात आली. त्यामुळे एसटी बसमध्ये महिला प्रवाशांची संख्या मोठ्या प्रमाणात वाढल्याचे चित्र आहे.

दरम्यान या निर्णयाचा फटका खासगी बस चालकांना बसला आहे. महिलांनी खासगी बसकडे पाठ फिरवल्याचे चित्र आहे. त्यामुळे खासगी बस चालकांनी देखील महिला प्रवाशांसाठी बस प्रवासात 50 टक्के सवलत देण्याचा निर्णय घेतला आहे. या निर्णयामुळे महिला प्रवासी वाढतील अशी अपेक्षा खासगी बस चालकांना आहे.

Edited By : Siddharth Latkar