नांदेड : नांदेड जिल्ह्यात रस्त्यांची अक्षरशः चाळण झाली आहे. पावसामुळे या रस्त्यांवर मोठमोठे खड्डे पडलेत. अशाच खड्डेमय रस्त्यावरुन प्रसुतीसाठी उप-केंद्राकडे जाताना आज महिलेची प्रसुती रस्त्यातच प्रसूती झाली आहे. या महिलेची स्थानिक महिलांनी प्रसुती केली. या महिलेच्या पोटी कन्या रत्न जन्मास आले आहे. कंधार तालुक्यातील फुलवळ येथील ही घटना आहे.

हे देखील पहा :

आज सकाळी कंधारेवाडी येथील आशा श्रीमंगले या गर्भवती महिलेच्या प्रसव कळा वाढल्याने तीला ऑटोतून फुलवळ येथील आरोग्य उपकेंद्रात नेण्यात येत होते. मात्र, रस्त्यावरील खड्ड्यांमुळे सदर महिलेला प्रसव कळा असह्य झाल्या आणि रस्त्यावरच स्थानिक महिलांच्या मदतीने तीची प्रसुती झाली.

दैव बलवत्तर म्हणून प्रसुती चांगली झाली आणि तीने कन्या रत्नाला जन्म दिला. प्रसुती ची माहिती मिळताच आरोग्य सेविका प्रसुती च्या ठिकाणी आली आणि तीने बाळ आणि आईची प्रकृती चांगली असल्याचे सांगितले. नांदेड जिल्ह्यातील अनेक भागात रस्त्यांच्या दुरावस्थेमुळे गर्भपाताच्या घटना, अनेक दुर्घटना घडल्या आहेत. जिल्हयातील खड्डेमय रस्ते कधी सुधारणा असा प्रश्न संतप्त नागरिकांतून व्यक्त केला जात आहे.

Edited By : Krushnarav Sathe