- सचिन कदम

Alibaug News : मेरी टाईम बोर्डाने अलिबाग जलमार्गावर प्रवासी जलवाहतूक करण्यास हिरवा कंदील दाखविला आहे. यामुळे मुंबई ते मांडवा म्हणजेच अलिबाग जलमार्गावर आजपासून (शुक्रवार) फेरीबोट सेवा सुरू होत आहे. (Mumbai-Mandwa ferry boat service resumes today)

पावसाळ्यात समुद्र खवळलेला असतो या दरम्यान दोन महिने हि जल वाहतुक बंद करण्यात आली होती. आता पावसाचा जोर कमी झाल्यानंतर या मार्गावरील प्रवासी वाहतुक सुरु करण्यात आली आहे.

त्यामुळे प्रवाशांचा मोठा वळसा आणि वेळ वाचणार आहे. शिवाय अलिबाग मुरुडकडे येणाऱ्या पर्यटकांचा ओघ वाढणार आहे. यामार्गावरील तिकीट दरात वाढ होण्याची शक्यता वर्तवण्यात येत होती मात्र प्रवासी तिकीट दरात कुठलीही वाढ झालेली नसल्याने प्रवाशी आणि पर्यटकांना दिलासा मिळणार आहे.

Edited By : Siddharth Latkar