Mumbai Agra Highway Accident: गेल्या काही दिवसांपासून राज्यात महामार्ग अपघातात मोठी वाढ झाली आहे. दिवसागणित अपघाताच्या नवनवीन घटना कानावर येत आहे. अशीच एक घटना मुंबई-आग्रा महामार्गावर घडली आहे. धुळे शहरापासून काही किलोमीटर अंतरावर असलेल्या मुंबई-आग्रा महामार्गावर ३ वाहनांचा विचित्र अपघात अपघात झाला. या अपघातात एकाचा जागीच मृत्यू तर दोन जण जखमी झाले आहेत.

जखमींना तातडीने उपचारासाठी रुग्णालयात दाखल करण्यात आलं आहे. शनिवारी दुपारच्या सुमारास ही घटना घडली. मिळालेल्या माहितीनुसार, मुंबई-आग्रा महामार्गावर उभ्या असलेल्या ट्रकचा टायर अचानक फुटल्याने, मागून येणारा कंटेनर चालकाचा वाहनावरील ताबा सुटला आणि कंटेनर थेट विरुद्ध बाजूस पलटी झाला. त्यानंतर पलटी झालेल्या कंटेनरने विरुद्ध दिशेने येणाऱ्या आणखी एका ट्रकला धडक दिली.

या तीन वाहनांच्या विचित्र अपघातामध्ये कंटेनर चालक वाहनाखाली दाबल्या गेल्याने त्याचा जागीच मृत्यू झाला. त्याचबरोबर या अपघातामध्ये आणखी दोन जण जखमी झाले. अपघाताची माहिती मिळताच, स्थानिक पोलिसांनी तातडीने घटनास्थळी धाव घेतली. जखमींना उपचारासाठी शासकीय रुग्णालयामध्ये दाखल करण्यात आले आहे.

Edited by - Satish Daud