Dhule News :

महाराष्ट्र राज्य परिवहन महामंडळाने (msrtc) धुळे ते अयाेध्या अशी बस सेवा (dhule to ayodhya bus service) सुरु करण्याचा निर्णय घेतला आहे. ही सेवा येत्या दहा फेब्रुवारीपासून धुळ्यातून सुरु हाेईल. राम भक्तांना थेट अयाेध्येपर्यंत जाता येणार असल्याने भाविकांनी बस सेवेचा लाभ घ्यावा असे आवाहन धुळे एसटी महामंडळाचे विभाग नियंत्रक विजय गीते यांनी केले आहे. (Maharashtra News)

धुळेकरांना अयोध्येतील राम मंदिराचे (ram mandir ayodhya) दर्शन सहजपणे घेता यावे यासाठी एसटी महामंडळाने धुळ्यातून थेट अयोध्येपर्यंत बस सेवा सुरू करण्याचा निर्धार केला. सध्या एक बस सुरू करण्यात येणार आहे. त्यानंतर प्रतिसाद पाहून बसची संख्या वाढवली जाईल असे गीते यांनी नमूद केले.

या बस सेवेसाठी 4 हजार 545 रुपये इतके शुल्क आहेत. ही बस दहा फेब्रुवारीला पहाटे चार वाजता धुळ्यातून निघेल. बारा फेब्रुवारीला दुपारी दोन वाजता अयोध्येत पोहचेल. त्यानंतर बारा तारखेला अयोध्यातून वाराणसीला जाईल. वाराणसी (varanasi) येथे प्रयागराज मुक्कामी असेल. त्यानंतर पुन्हा सकाळी धुळ्याकडे बस प्रस्थान करेल. या प्रवासादरम्यान दोन चालक बस सोबत असतील असेही गितीने स्पष्ट केले.

(साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

Edited By : Siddharth Latkar