Tulja Bhavani Temple : तुळजाभवानी मंदिर प्रशासनचा मोठा निर्णय, 'या' दिवशी भाविकांना पहाटे १ वाजल्यापासून मिळणार दर्शन

Dharashiv News :

- बालाजी सुरवसे

तुळजापूर (tuljapur) येथील तुळजाभवानी देवीचे मंदिर (tuljabhavani mandir) आता प्रत्येक मंगळवार, शुक्रवार, रविवार व पौर्णिमा दिवशी पहाटे एक वाजता उघडले जाणार आहे. यामुळे या दिवशी भाविकांना (devotees) पहाटे 1 पासूनच देवीचे दर्शन घेता येणार आहे. तुळजाभवानी देवीच्या दर्शनासाठी येणा-या भाविकांची वाढती गर्दी लक्षात घेता हा निर्णय 31 डिसेंबर 2024 पर्यंत मंदीर संस्थानने घेतल्याचे कळविले आहे. (Maharashtra News)

महाराष्ट्राची कुलस्वामिनी आई तुळजाभवानी देवीच्या दर्शनास राज्यासह देशातील भाविकांची गर्दी असते. नवरात्राेत्सव काळात तसेच सुट्ट्यांच्या काळात देखील भाविक देवीच्या दर्शनासाठी येत असतात. भाविकांना तुळजाभवानी मातेचे दर्शन सुलभ व्हावे यासाठी मंदीर संस्थानने एक नवीन निर्णय घेतला आहे.

नव्या निर्णयानूसार तुळजापूर येथील तुळजाभवानी देवीचे मंदिर वर्षभरातील प्रत्येक मंगळवार, शुक्रवार, रविवार व पौर्णिमा दिवशी पहाटे 1 वाजता उघडले जाणार आहे. पहाटे 1 वाजता चरणतीर्थ पुजा होईल. त्यानंतर सकाळी 6 वाजता घाट देऊन अभिषेक पुजा सुरु होईल अशी माहिती तहसीलदार तथा तुळजाभवानी मंदीर संस्थानचे व्यवस्थापक साेमनाथ वाडकर यांनी साम टीव्हीला दिली.

(साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

Edited By : Siddharth Latkar