परिवहन मंडळाने एक महत्त्वाचा निर्णय घेतला आहे. आता एसटी महामंडळात ३ हजार नवीन बसची भर पडली आहे. या आत्याधुनिक स्मार्ट बस असणार आहेत. राज्याच्या सार्वजनिक परिवहन व्यवस्थेत नवीन बस जोडल्या जाणार आहे. या नवीन बसचे उद्घाटन उद्या २४ मार्च रोजी होणार आहे. मुख्यमंत्री देवेंद्र फडणवीस यांच्या हस्ते या बसेस दाखल होणार आहेत.

नवीन एसटी बसची वैशिष्टे काय?

• नवीन राजमाता जिजाऊ एसटी बसमध्ये अनेक आत्याधुनिक बदल असणार आहे. बसमध्ये ३×२ आसन रचना असणार आहे. एकूण ५६ आसने असणार आहेत. सध्याच्या बसेसमध्ये ४० सीट असतात. या बसमध्ये १६ सीट जास्त आहेत.

• या नवीन बसमध्ये ४ सीसीटीव्ही कॅमेरे, जीपीएस, पॅनिक बटण, पब्लिक अनाउन्समेंट सिस्टीम तसेच इलेक्ट्रॉनिक मार्ग फलक असणार आहे. यामुळे प्रवास खूप सुरक्षित होणार आहे.

• राजमाता जिजाऊ एसटी बस दोन शहरांमध्ये चालवल्या जाणार आहे. जास्त गर्दीच्या ठिकाणी शटल सेवेसाठी चालवण्यात येणार आहे. यामुळे प्रवासाचा वेळ वाचणार आहे.

• या नवीन बसेस पहिल्यांदा नागपूरमध्ये दाखल होणार आहे. सुरुवातीला ५० बस चालवल्या जाणार आहेत. नागपूरमधून या बसेसची सुरुवात होणार आहे.

राजमाता जिजाऊ हे नाव का दिलं?

या बसला राजमाता जिजाऊ नाव देण्यामागे हिंदवी स्वराज्याच्या प्रेरणास्थान असलेल्या जिजाऊसाहेबांना अभिवादन करण्याची भावना आहे. छत्रपती शिवाजी महाराज यांच्या मागील संस्कार म्हणजे राजमाता जिजाऊ. या मातृशक्तीचा गौरव या नावातून केला जाणार आहे. एसटी महामंडळाने याआधी शिवनेरी, शिवशाही, शिवाई, यशवंती आणि हिरकणी अशी नावे दिली आहे. यात आता राजमाता जिजाऊ नावाची भर पडली आहे. महाराष्ट्राच्या सांस्कृतिक वारशाचा सन्मान अधिक समृद्ध झाला आहे, असेही मंत्री सरनाईक यांनी सांगितले.