ST Mahamandal: लाडक्या बहिणींमुळे एसटी महामंडळाचे अच्छे दिन; सरकारकडून परिवहन विभागाला ५०८० कोटी रुपये

मुख्यमंत्री माझी लाडकी बहीण योजनेनंतर सरकारने महिलांसाठी अनेक योजना राबवल्या आहेत. एसटी महामंडळानेही महिलांसाठी खास योजना राबवली आहे. एसटीमधून महिलांना हाफ तिकीट दरात प्रवास करता येणार आहे. तिकीट दरात ५० टक्क्यांची सवलत दिली आहे. विधानसभा निवडणुकीआधी ही घोषणा केली होती. यामुळे निवडणुकीत खूप फायदा झाला आहे.

तिकीट दरात ५० टक्क्यांची सवलत देण्यासाठी राज्य सरकारने ३५ महिन्यात तब्बल ८० कोटी रुपये मोजले आहेत. मात्र, या योजनेमुळे परिवहन मंडळाची स्थिती सुधारली आहे. महिलांनी प्रवास करण्याची संख्या वाढली आहे.

राज्य परिवहन विभागाच्या ताफ्यात दरवर्षी दोन हजार नवीन गाड्या दाखल होत आहेत. जुन्या बस नसल्याने आता अनेक प्रवासी एसटी महामंडळाने प्रवास करु लागली आहे. त्यामुळे आर्थिक परिस्थिती सुधारु लागली आहे.

ज्येष्ठ नागरिकांसाठीही योजना

सरकारने वृद्ध नागरिकांसाठीही अमृत ज्येष्ठ नागरिक योजना सुरु केली आहे. यामध्ये वृद्ध नागरिक मोफत प्रवास करतात. ६० वर्षांवरील ज्येष्ठ नागरिकांसाठी तिकीटाचे दर अर्धे आहे. महिलांसाठी हाफ तिकीट आहे. त्यामुळे महिला प्रवाशांची संख्या वाढत आहे.यामुळे एसटी महामंडळाला फायदा होताना दिसत आहे.

या योजनेची सुरुवात १७ मार्च २०२३ रोजी झाली होती. यामध्ये महिलांना तिकीट दरात ५० टक्के सवलत देण्यात आली. त्यानंतर महिला प्रवाशांचा आकडा वाढला आहे. आतापर्यंत कोट्यवधि महिलांनी प्रवास केला आहे. या योजनेसाठी शासनाकडून महामंडळाला ५०८०.४३ कोटी रुपये मिळाले आहेत.