- शुभम देशमुख

Bhandara News : भंडारा जिल्ह्यात येथे अल्पवयीन मुलीचा विनयभंग केल्याची घटना नुकतीच झाली. त्यानंतर पीडितेने कुटुंबियांसमवेत गावातील पोलिस ठाण्यात धाव घेतली. तिच्या बाबत घडलेला प्रकार पाेलिसांपुढे तिने कथन केला. पाेलिसांनी तिच्या तक्रारीनंतर माजी नगरसेवकावर गुन्हा दाखल केला. पाेलिसांनी साम टीव्हीला दिलेल्या माहितीनूसार संशयितांस अटक करण्यात आली आहे (Maharashtra News)

पाेलिसांनी दिलेल्या माहितीनूसार ही घटना स्वातंत्र्यदिनी दुपारी 12 च्या सुमारास घडली. पीडिता आपल्या मैत्रिणीसोबत भाजी आणण्याकरिता संशयिताच्या घरी गेली होती. तेव्हा त्याने मुलीला स्वयंपाकघरातून पिण्याचे पाणी आणण्यास सांगितले.

त्यावेळी घरी कुणीच नव्हते. ही संधी साधून संशयित पीडितेच्या मागोमाग गेला व त्याने बळजबरीने अश्लील चाळे केले. घाबरलेल्या अल्पवयीन मुलीने पळ काढून आपबिती कुटुंबियांना सांगितली.

त्यानंतर तिच्या आई-वडिलांनी तत्काळ पोलिस ठाणे गाठले. पोलिसांनी कलम 354, 354 (अ) (1) तसेच (बाल. ले.अ. प्र. का. 2012 चे सहकलम 8, 12 नुसार) गुन्हा नोंद करून संबंधित माजी नगरसेवकास अटक केली आहे.

Edited By : Siddharth Latkar