मुंबईत स्वतः चे घर घेणे हे सर्वसामान्यांच्या खिशाला परवडणारे नाहीये. सध्या महागाई खूप वाढत आहे. त्यामुळे अनेकजण म्हाडा, सिडकोच्या घरांसाठी अर्ज करतात. म्हाडाची घरे ही सर्वसामान्य नागरिकांना परवडतात. नुकतीच म्हाडाने कोकण विभागात ५००० घरांसाठी सोडत जाहीर केली आहे. या म्हाडाच्या घरांसाठी अर्ज कसा करावा आणि कोणती कागदपत्रे आवश्यक असतात याबाबत सर्व माहिती वाचा.

म्हाडाच्या घरांसाठी अर्ज कसा करावा? (Application Process For MHADA houses)

म्हाडाच्या घरांसाठी पूर्णपणे ऑनलाइन पद्धतीने अर्ज करायचा आहे. कोणत्याही प्रकारचे ऑफलाइन पद्धतीने अर्ज भरता येणार नाही. यासाठी तुम्हाला अधिकृत वेबसाइटवर जाऊन अर्ज करावा लागेल.

सर्वात आधी म्हाडाच्या अधिकृत वेबसाइट https://housing.mhada.gov.in/ ला जाऊन भेट द्या.

यानंतर रजिस्ट्रेशन करा. त्यासाठी मोबाईल नंबर आणि ईमेल आयडी टाका.

यानंतर तुम्हाला अर्ज भरावा लागेल. तुम्हाला कोणत्या भागातील घरांसाठी अर्ज करायचा याबाबत सर्व माहिती भरा.

अर्ज भरताना काही कागदपत्रे अपलोड करावी लागतील. त्यानंतर फी भरा आणि अर्ज सबमिट करा.

आवश्यक कागदपत्रे (MHADA Application Reuired Documents)

आधार कार्ड (अर्जदाराचे, विवाहित असल्यास पती किंवा पत्नीचे), आधार कार्डला मोबाईल नंबर लिंक असणे गरजेचे आहे.

पॅन कार्ड (विवाहित असल्यास पती किंवा पत्नीचेदेखील पॅन कार्ड)

रहिवासी प्रमाणपत्र, वास्तव्याचा पुरावा

महाराष्ट्र राज्याचे अधिवास प्रमाणपत्र (Domicile Certificate)

कौंटुबिक उत्पन्नाचा दाखला (अर्जदार व पती, पत्नी दोघांपैकी कोणीही आयकर भरत असेल तर त्याचे आयकर रिफंड सर्टिफिकेट)

सामाजिक आरक्षित प्रवर्गासाठी जात प्रमाणपत्र, जात वैधता प्रमाणपत्र आवश्यक आहे.

विशेष आरक्षित प्रवर्ग

कलाकार, पत्रकार, राज्य शासन कर्मचारी, केंद्रीय कर्मचारी, स्वातंत्र्या सैनिक, माजी सैनिक, आमदार, खासदार यांच्यासाठी प्रमाणपत्र आवश्यक आहेत. हे प्रमाणपत्राचे नमुने वेबसाइवरुन घ्यावेत. त्यानंतर संबंधित प्राधिककरणाकडून सही घेऊन अपलोड करावेत.