Maratha Reservation

जोपर्यंत मराठा समाजाला आरक्षण मिळत नाही तोपर्यंत माझ्या शरीराला जाळू नका असा संदेश लिहत संभाजीनगर जिल्ह्यातील आपतगावच्या गणेश कुबेर यांनी आत्महत्या केली होती. त्याच्या आत्महत्येनंतर मराठा समाजाने याप्रकरणी अ‍ॅड.गुणरत्न सदावर्ते यांच्यावर गुन्हा दाखल होत नाही तोपर्यंत गणेशच्या मृतदेहाला हात लावणार नाही, अशी भूमिका घेतली आहे.

आम्हाला सरकारची दहा लाखाची मदत नको मात्र,सदावर्ते यांच्यावर गुन्हा दाखल करून अटक करा तेव्हाच आम्ही मृतदेहाला हात लावू,अशी आग्रही भूमिका गणेशचे आजोबा जनार्दन पाटील कुबेर यांनी घेतली आहे. गणेश कुबरे यांचा मृतदेह पोस्टमार्टमसाठी रात्री साडे नऊ वाजता दाखल करण्यात आला होता. त्यानंतर पोलिसांनी गुन्हा दाखल व लेखी दिलेले आश्वासन न पाळल्यामुळे कुटुंबियांनी पोस्टमार्टम करण्यास विरोध दर्शविला.

गणेश कुबेर याने दुपारी घरी कोणी नसताना गळफास घेऊन आत्महत्या केली होती. जोपर्यंत मराठा समाजाला आरक्षण मिळत नाही तोपर्यंत माझ्यावर अंत्यसंस्कार करू नये, असा मजकूर स्वतःच्या हस्ताक्षरात पाटीवर लिहून आपले आयुष्य संपले होते. त्याला तातडीने रुणालयात दाखल करण्यात आले मात्र, डॉक्टरांनी त्याला मृत घोषित केले.

दरम्यान आरक्षणासाठी मराठा समाजाचे राज्यभर आंदोलन सुरू असताना अ‍ॅड. गुणवर्ते सदावर्ते यांनी मात्र, मराठा समाजाला आरक्षण मिळू देणार नाही. त्यासाठी वेळ पडली तर सर्वोच्च न्यायालयात जाण्याची तयारी दर्शवली आहे. त्यामुळे त्यांच्याविरोधात मराठा समाज आक्रमक झाला असून त्यांच्या अटकेची मागणी करत आहे.