लक्ष्मण सोळुंके
लोकसभा निवडणुकीत प्रत्येक गावातून उमेदवार उभा करण्यापेक्षा जिल्ह्यातून एकच उमेदवार उभा करा. राज्य सरकार मराठा समाजाला आरक्षण देत नाही, त्यामुळे तुम्हीच आरक्षण देणारे व्हा, असं आवाहन जरांगे पाटील यांनी मराठा समाजाला केलं आहे.
राज्य सरकारने मराठा समाजाला दिलेलं 10 टक्के आरक्षण 50 टक्क्यांच्या आत द्यावं तरच सरकारने दिलेलं आरक्षण स्वीकारू असं मनोज जरांगे पाटील यांनी म्हटलंय. आज अंतरवाली सराटी येथे मनोज जरांगे पाटील यांच्या नेतृतवाखाली मराठा समाजाची बैठक पार पडली या बैठकीत ते बोलत होते.
आगामी लोकसभा निवडणुकीत मराठा समाजाने गावा-गावातून अनेक उमेदवार दिल्यास मराठा समाजच अडचणीत येईल. त्यामुळे आपापल्या गावात जाऊन मराठा समाजाची बैठक घेऊन सर्व जाती धर्माचा जिल्ह्यातून एकच उमेदवार निश्चित करा आणि त्याला अपक्ष निवडणूक लढवायला लावा किंवा सगेसोयरे कायद्याला ज्या पक्षाचा उमेदवार लेखी बॉण्ड करून पाठिंबा देईल त्याला पाठिंबा द्या, मग तो कोणत्याही पक्षाचा असो असे दोन पर्याय देखील जरांगे पाटील यांनी मराठा समाजासमोर ठेवले आहेत.
राज्य सरकार जर मराठा समाजाला आरक्षण देत नसेल तर आरक्षण देणारे बणा असं आवाहन देखील जरांगे पाटील यांनी मराठा समाजाला केलंय. 30 तारखेपर्यंत कोण उमेदवार असणार हे निश्चित करा असंही जरांगे पाटील यांनी म्हटलेलं आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.