साताऱ्यात भाषणादरम्यान मनोज जरांगे पाटील अचानक थांबले आणि खाली बसले. मिळालेल्या माहितीनुसार, अशक्तपणामुळे ते स्टेजवरच खाली बसले. त्यांनी भाषण थांबवले आणि खाली बसले होते. त्यांचा हात थरथर कापत होते. त्यांना साताऱ्यातील रुग्णालयात दाखल करण्यात येणार असल्याचे समजतेय.

मनोज जरांगे पाटील सध्या पश्चिम महाराष्ट्राच्या दौऱ्यावर आहेत. आज ते साताऱ्यात होते. भाषण करताना त्यांना चक्कर आली अन् ते खाली बसले. त्यांना नेमकं काय झालं. याबाबत सविस्तर माहिती समोर आलेली नाही.

प्राथमिक माहितीनुसार, त्यांना अशक्तपणा आला. भाषणादरम्यानही मनोज जरांगे यांनी आपल्याला बरे वाटत नसल्याचा उल्लेख केला होता. खाली बसल्यानंतर त्यांचा हात थरथर कापत असल्याचे व्हिडिओत दिसत होतं. सध्या त्यांना रुग्णालयात उपचारासाठी नेहण्यात आलेय.

काही दिवसांपूर्वी मनोज जरांगे यांची प्रकृती खालावल्यामुळे रुग्णालयात दाखल केले होतं. उपचार घेतल्यानंतर पुन्हा एकदा ते मराठा आरक्षणासाठी मैदानात उतरले आहेत. साताऱ्यात पोहचले तेव्हा त्यांची प्रकृती खालावल्याचं समोर आले. भाषणावेळी त्यांनी आपली प्रकृती ठीक नसल्याचा उल्लेख केला होता. भाषण संपल्यानंतर ते खाली बसले, त्यांचे हात थरथर कापत होते. त्यांना आता रुग्णालयात दाखल करण्यात आलेय.

आज भाषणादरम्यान मनोज जरांगे पाटील म्हणाले आहेत की, ''मराठ्यांची आरक्षणाची लढाई साडेअकरा महिने सुरू आहे. ही लढाई कुण्या मोठ्या लोकांसाठी नाही, तर गरजवंत माराठ्यांसाठी आहे. हा लढा साडेअकरा महिने सुरु असून या देशात आत्तापर्यंत कुठलाच लढा सातत्याने चाललेला नाही आणि इतक्या लाखाने लोक त्यात सहभागी होत नाही, हा पाहिला लढा आहे.''

ते म्हणाले आहेत की, ''माझ्या कमरेत आणि अंगात चमक भरत आहे. या शेवटच्या उपोषणामुळे हाल झाले. पण मी माझ्या मराठ्यांना उघड पडून द्यायचं नाही म्हणून जीवाची बाजी लावून पुन्हा मैदानात उभा राहिलो आहे. मी कधी बाजूला हटतोय याची ते वाट बघत आहेत.''