अजय सोनवणे 

मनमाड (नाशिक) : शेतात कष्ट करून पिकविलेला मका विकला आणि त्याची मिळालेली रक्कम घेऊन (Manmad) शेतकरी घरी जात होता. मात्र रस्त्यावर पैसे पडल्याची बतावणी करत (Farmer) शेतकऱ्याची दोन लाखाची रोकड घेऊन चोरटे फरार झाले. (Tajya Batmya)

सदरची घटना (Nashik) नाशिकच्या येवला तालूक्यातील अंदरसुल येथे घडलीय. शेतकरी सोमनाथ कुऱ्हे  यांनी शेतात पिकविलेला मका विकून मिळालेले पैसे बँकेतून काढून घरी जात होते. दरम्यान सोमनाथ कुऱ्हे हे मातोश्री शांताबाई सोनवणे स्कूल समोरील पुलावरन जात असताना पाठी मागून दुचाकीवर (Crime News) दोघेजण आले. या दोघा चोरट्यांनी शेतकऱ्याला तुमचे पैसे रस्त्यावर पडले आहे; अशी बतावणी केली. यानंतर शेतकरी कुऱ्हे हे पाहण्यासाठी थांबले असता यावेळी नजर चूकवून शेतक-याच्या ताब्यातील दोन लाख पाच हजाराची रोकड घेऊन पोबारा केला. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

चोरटे सीसीटीव्हीत कैद 

अचानक घडलेल्या या प्रकाराने शेतकरी हादरला. त्यांनी पोलिसात धाव घेत माहिती दिली. येवला तालूका पोलिसांना याची माहिती मिळताच त्यांनी घटनास्थळी धाव घेतली. पोलिसांनी अंदरसूल टोल नाक्यावरील (CCTV) सीसीटीव्ही तपासला असता दोघे दुचाकीवरील चोरटे त्यात कैद झाले असून पोलिस त्यांचा शोध घेत आहे.