Dombivili Crime : भर रस्त्यात महिलेची काढली छेड; स्थानिक तरुणांनी दिला चोप, डोंबिवलीमधील घटना

अभिजित देशमुख

कल्याण : कामावरून घरी परतणाऱ्यामहिलेशी भर रस्त्यात लगट करण्याचा प्रयत्न करत तिची छेड काढण्याचा प्रकार रात्रीच्या सुमारास (Dombivali) डोंबिवली पूर्वेकडील आजदे पाडा परिसरात घडली. या तरुणाला स्थानिक तरुणांनी चांगलाच चोप दिला. प्रीतम गायकवाड असे या तरुणाचे नाव असून स्थानिकानी (Crime News) त्याला मानपाडा पोलिसांच्या ताब्यात दिले आहे. (Latest Marathi News)

डोंबिवली आजदेपाडा परिसरात राहणारी महिला रात्रीच्या सुमारास कामावरून घरी परतत होती. यावेळी एक रोडरोमियो तिचा पाठलाग करत होता. अंधाराचा फायदा घेत या रोडरोमियोने महिलेचा गळा दाबत तिच्याशी लगट करण्याचा प्रयत्न केला. महिलेने प्रतिकार करत आरडा ओरड सुरू केली. आरडा ओरड एकूण स्थानिक तरुणांनी धाव घेतली. हा यावेळी रोड रोमियो पळून जात असताना स्थानिक तरुणांनी त्याचा पाठलाग करत त्याला पकडून चांगलाच चोप दिला. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

घटनेची माहिती (Manpada Police) मानपाडा पोलिसांना देत या रोड रोमियोला पोलिसांच्या (Police) ताब्यात दिले. प्रीतम गायकवाड यास मानपाडा पोलिसांनी  ताब्यात घेत पुढील तपास सुरू केला आहे. पोलिसांनी दिलेल्या माहितीनुसार प्रीतम गायकवाड हा अंधेरी मरोळ येथे राहणारा असून तो डोंबिवलीत त्याच्या नातेवाईकाकडे आला होता.