अजय सोनवणे 

मनमाड (नाशिक) : मराठा आरक्षणाच्या मुद्द्यावरून राज्यात रोज घडामोडी घडत आहेत. आरक्षण (Maratha Aarkshan) मिळावे यासाठी काहींनी आत्महत्या केल्याच्या घटना घडल्या आहेत. तर अनेक ठिकाणी वेगवेगळे आंदोलन उभारले जात आहे. यात आता (Manmad) मनमाड बाजार समितीच्या सभापतींनी आरक्षणासाठी आपल्या पदाचा राजीनामा दिला आहे. (Tajya Batmya)

मराठा आरक्षण मिळावे यासाठीची मागणी जोर धरू लागली आहे. याकरिता मराठा समाज पुन्हा एकदा एकवटला असून आंदोलन उभारले आहे. यातच मनमाड बाजार समितीचे सभापती माजी आमदार संजय पवार यांनी आपल्या सभापती व राष्ट्रवादी पक्षाचा राजीनामा देत असल्याचे घोषित केले. छगन भुजबळ (Chagan Bhujbal) यांनी ओबीसीमधून मराठा आरक्षणाला विरोध केल्याने मराठा समाजामध्ये मोठा असंतोष पसरलेला असतांना त्याबाबत विचारणा होऊ लागली आहे. त्यामुळे मराठा समाजाच्या सोबत राहणे गरजेचे असल्याने आपल्या पदांचा राजीनामा देत असल्याचे संजय पवार यांनी स्पष्ट केले. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

काही दिवसा पुर्वीच लासलगाव मधिल लासलगाव बाजार समितीचे संचालक जयदत्त होळकर यांनीही मराठा आरक्षण प्रश्नी आपल्या सर्व पदांचा राजीनामा दिलेला होता. यानंतर अन्न नागरी पुरवठा मंत्री छगन भुजबळ यांना पुन्हा एक मोठा धक्का बसला असून त्यांचे समर्थक व माजी आमदार संजय पवार यांनी राजीनामा दिला आहे. मनमाड बाजार समितीत पुढील सभापती निवडीच्या वेळी काय निर्णय घ्यायचा याचा विचार करु असे ही त्यांनी यावेळी स्पष्ट केले.