Gondia Accident News: भरधाव ट्रकच्या धडकेत दोघांचा मृत्यू; अब्दुल टोला गावाजवळची घटना

शुभम देशमुख 

गोंदिया : देवरी शहरातून चिंचगडकडे जाणाऱ्या रस्त्यावरील अब्दुलटोला गावाजवळ आज दुपारी भीषण अपघात (Accident) झाला. या अपघातात ट्रकच्या धडकेत दोन लोकांचा जागीच मृत्यू झाल्याची घटना घडली आहे. (Latest Marathi News)

देवरी चिंचगड मार्गांवरिल झालेल्या या (Gondia) अपघातात रुपालाल चौधरी आणि नीलकंठ मंथाले यांचा जागीच मृत्यू झाला. देवरीकडून भरधाव वेगाने येणाऱ्या ट्रकवरील चालकाचे नियंत्रण सुटल्याने रस्त्यावरून दुचाकीला जोरदार धडक दिली. यात दुचाकीवरील दोघांचा जागीच मृत्यू झाला. माजी आमदार संजय पुराम यांना अपघाताची माहिती मिळताच त्यांनी घटनास्थळी जाऊन पाहणी करत ट्रक चालकाला अटक करण्याच्या सूचना पोलिसांना दिल्या आहेत.

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

ट्रक चालक फरार 

ट्रक चालकाने दुचाकीला धडक देताच रस्त्याच्या साईडला ट्रक थांबवून पड काढला. घटनेची माहिती पोलिसांना मिळाल्यानंतर घटनास्थळी येत पंचनामा केला. तसेच देवरी पोलीस आरोपीचा शोध घेत असून पोलिसांनी मृतदेह ताब्यात घेत शवविच्छेदनाकरिता देवरी ग्रामीण रुग्णालयात पाठविले.